|
|
 |
| (GMT+08:00)
2007-06-10 19:22:45
|
|
"ປີຈີນ ສັບປະດາຊຽງໄຮ້" ໄດ້ຈັດຂຶ້ນຢູ່ເມືອງແຊງປີເຕີບວກຂອງຣັດເຊຍ
cri
ຕາມຂ່າວສານຊິ່ນຮວາ: ວັນທີ 9 ມິຖຸນານີ້, ພິທີໄຂງານ "ປີຈີນ ສັບປະດາຊຽງໄຮ້" ໄດ້ຈັດຂຶ້ນຢູ່ເຂດໂຄງການ "ມຸກດາຂອງທະເລບານຕິກ" ເຊິ່ງເປັນໂຄງການຈີນລົງທຶນໂດຍກົງຂະໜາດໃຫຍ່ກວ່າໝູ່ຢູ່ຣັດເຊຍທີ່ຕັ້ງຢູ່ແຊງປີເຕີບວກ. ມື້ດຽວກັນ, ສະຖານທີ່ດຽວກັນຍັງໄດ້ຈັດພິທີສ້າງສູນການຄ້າຂອງຕຶກ "ມຸກດາທະເລບານຕິກ" ເຊິ່ງເປັນສິ່ງກໍ່ສ້າງຫຼັງທຳອິດໃນເຂດໂຄງການນີ້.
ທ່ານນາງອູອີ ຮອງນາຍົກລັດຖະມົນຕີຈີນໄດ້ເຂົ້າຮ່ວມກິດຈະກຳດັ່ງກ່າວ, ແລະໄດ້ເປີດຜ້າປົກປ້າຍສູນການຄ້າດັ່ງກ່າວ.
ໃນພິທີໄຂງານ, ທ່ານຮານເຈິ້ງ ເຈົ້າຄອງກຳແພງນະຄອນຊຽງໄຮ້ກ່າວວ່າ, ຈາກກິດຈະກຳທີ່ມີຫຼາຍສີສັນເທື່ອນີ້, ສາມາດເຮັດໃຫ້ປະຊາຊົນຣັດເຊຍຮູ້ຈັກ, ເຂົ້າໃຈແລະມັກຊຽງໄຮ້ຫຼາຍກວ່າເກົ່າ.
ໃນເວລາກ່າວຄຳປາໄສ, ທ່ານອາເລກຊານດາ ວັກມິສຕຼົບ ຮອງເຈົ້າ ເມືອງແຊງປີເຕີບວກກ່າວວ່າ, ຫວັງວ່າ, ການຮ່ວມມືລະຫວ່າງບໍລິສັດຣັດເຊຍກັບບໍລິສັດຈີນຄົງຈະມີການຂະຫຍາຍຕົວຕື່ມອີກ.
|
|
|
