|
|
 |
| (GMT+08:00)
2007-06-15 17:56:40
|
 |
|
ທ່ານອັບບາສປະກາດປົດຕຳແຫນ່ງນາຍົກລັດຖະມົນຕີຂອງທ່ານຮານີເຢ
cri
ຕາມຂ່າວ CRI:ວັນທີ 14 ມິຖຸນານີ້ ຢູ່ເມືອງລາມາລາທີ່ຕັ້ງຢູ່ຝັ່ງຕາເວັນຕົກແມ່ນນ້ຳຈໍແດນ ທ່ານອັບບາສ ປະທານອົງການອຳນາດແຫ່ງຊາດປາເລັສຕິນໄດ້ປະກາດລັດຖະດຳລັດປົດຕຳແຫນ່ງຂອງທ່ານຮານີເຢ ນາຍົກລັດຖະມົນຕີຂອງລັດຖະບານປະສົມແຫ່ງຊາດແລະປະກາດພາວະສຸກເສີນຢູ່ຝັ່ງຕາເວັນຕົກແມ່ນ້ຳຈໍແດນແລະແຖບກາຊາ.
ຕອນຮຸ່ງເຊົ້າວັນທີ15ມິຖຸນານີ້,ທ່ານອານີເຢ ຜູ່ນຳອົງການຮາມາສໄດ້ປະຕິເສດບໍ່ຮັບເອົາການຕົກລົງຂອງທ່ານອັບບາສ,ກ່າວວ່າຈະສືບຕໍ່ຮັກສາການປະຕິບັດໜ້າທີ່ຂອງລັດຖະບານ.ທ່ານຮານີເຢຍັງປະຕິເສດບໍ່ຮັບຮູ້ຄວາມອາດເປັນໄປໄດ້ທີ່ສ້າງຕັ້ງປະເທດເອກະລາດຢູ່ກາຊາ.ທ່ານຮຽກຮ້ອງໃຫ້ສິ້ນສຸດການປະທະກັນດ້ວຍຄວາມຮຸນແຮງ,ຟື້ນຟູຄວາມຄວາມສະຫງົບໃນກາຊາ.
ມື້ດຽວກັນ, ຢູ່ວໍຊິງຕັນ ນາງຄອນໂດລີຊາໄລສ໊ ລັດຖະມົນຕີວ່າການກະຊວງການຕ່າງປະເທດອາເມລິກາກ່າວວ່າ, ອາເມລິກາສະຫນັບສະຫນູນການຕົກລົງຂອງທ່ານອາບັສ.ນາງກ່າວວ່າ,ການຕົກລົງຂອງທ່ານອັບບາສແມ່ນເພື່ອເຮັດໃຫ້ວິກິດການທີ່ປາເລັສຕິນປະເຊີນນັ້ນສິ້ນສຸດລົງແລະສະໜອງໂອກາດໃຫ້ຄົນປາເລັສຕິນກັບຄືນສູ່ສັນຕິພາບ
ວັນທີ 14 ມິຖຸນານີ້,ເຈົ້າຫນ້າທີ່ຮັກສາຄວາມປອດໄພຂອງປາເລັສຕິນກ່າວວ່າ,ມື້ດຽວກັນ,ກອງປະກອບອາວຸດຂອງອົງການຮາມາສໄດ້ປິດລ້ອມແລະບຸກໂຈມຕີທີ່ພຳນັກຂອງທ່ານອາບັສຢູ່ເມືອງກາຊາ,ແລະໄດ້ປຸ້ນເຮືອນຂອງທ່ານອາບັສ ແລະເຮືອນຂອງທ່ານດາເຮີລານ ຜູ່ຊ່ວຍທີ່ໄດ້ໃຈຂອງທ່ານອາບັສ.
|
|
|
