ຕາມ​ຂ່າວCRI,ຈັງຫວັດ​ຍະ​ລາ ພາກ​ໃຕ້​ຂອງ​ໄທ​ໄດ້​ເກີດ​ເຫດການ​ຫຼອນ​ໂຈມ​ຕີ​ດ້ວຍ​ລະ​ເບີດ​ໃນ​ວັນ​ທີ15​ມິຖຸນາ​ນີ້,​ເຊິ່ງ​ເຮັດ​ໃຫ້​ທະຫານ7ຄົນ​ເສຍ​ຊີວິດ.

ຕາມ​ຂ່າວ​ແຈ້ງວ່າ, ​ເວລາ​ປະມານ8​ໂມງ​ ມື້​ດຽວ​ກັນ,ທະຫານ​ກອງໜຶ່ງ​ທີ່​ປ້ອງ​ກັນ​ຄູ​ສອນ​ທ້ອງ​ຖິ່ນ​ໄປ​ໂຮງ​ຮຽນ​ໃນ​ລະ​ຫວ່າງ​ເດີນ​ທາງ​ຢູ່​ທາງ​ຫຼວງ​ຂອງ​ອຳ​ເພີ​ບັນ​ນັງ​ສະ​ຕາ​ຈັງ​ຫວັດ​ຍະ​ລາ​ໄດ້​ຖືກ​ຫຼອນ​ໂຈມ​ຕີ​ດ້ວຍ​ລະ​ເບີດ​ແຄມ​ທາງ,​ຈາກ​ນັ້ນ ຄົນ​ຮ້າຍ​ທີ່​ລີ້​ຢູ່​ພຸ່ມ​ໄມ້​ໄດ້​ຍິງ​ປືນ​ກວາດ​ໃສ່​ທະ​ຫານ,​ເຮັດ​ໃຫ້​ເສຍ​ຊີ​ວິດ​ກັບ​ທີ່​7​ຄົນ,​ບາດ​ເຈັບ​1​ຄົນ.

ແຕ່​ເດືອນ​ມັງກອນ​ປີ2004​ເປັນ​ຕົ້ນ​ມາ,ຈັງຫວັດ​ນາລາ​ທິວາດ ຈັງ​ຫວັດ​ປັດ​ຕະ​ນີ​ແລະ​ຈັງ​ຫວັດ​ຍະ​ລາ​ທີ່​ຢູ່​ພາກ​ໃຕ້​ຂອງ​ໄທ​ໄດ້​ເກີດ​ເຫດການ​ກຳ​ລັງ​ຮຸນ​ແຮງ​ຢ່າງ​ບໍ່​ຢຸດ​ຢັ້ງ,​ຈົນ​ຮອດ​ປັດ​ຈຸ​ບັນ​ໄດ້​ເຮັດ​ໃຫ້2300​ກວ່າ​ຄົນ​ເສຍ​ຊີວິດ​ແລ້ວ.