ຕາມ​ຂ່າວສານ​ຊິນ​ຮວາ​ລາຍ​ງານ​ຈາກ​ຮ່າ​ໂນ້ຍ:ວັນ​ທີ16​ມິ​ຖຸນາ​ນີ້,ກົມສັດຕະວະ​ແພດ​ ກະຊວງ​ພັດທະນາ​ກະສິກຳ​ແລະ​ຊົນນະບົດ​ຫວຽດນາມປະກາດ​ວ່າ,ຫວ່າງ​ມໍ່ໆ​ນີ້,​ແຂວງບິນດິນ ພາກ​ເໜືອ​ຫວຽດນາມ​ໄດ້​ເກີດ​ໄຂ້ຫວັດສັດ​ປີກ,ນີ້​​ເຮັດ​ໃຫ້​ນັບ​ແຕ່​ເດືອນ​ພຶ​ດສະພາ​​ແລ້ວ​ນີ້​ເປັນ​ຕົ້ນ​ມາ,ຈຳ​ນວນ​ແຂວງທີ່​ເກີດ​ໄຂ້ຫວັດ​ສັດ​ປີກຂອງຫວຽດນາມ​ເພິ່ມຂຶ້ນ​ຮອດ18​ແຂວງ.

ກົມ​ສັດຕະວະ​ແພດ​ກ່າ​ວວ່າ,​ໃນ​ວັນ​ທີ11​ມິຖຸນາ​ນີ້,​ໄກ່43​ໂຕ​ແລະ​ເປັດ44​ໂຕ​ທີ່​ຊາວນາ​ກະສິກອນ​ແຂວງ​ບິນດິນ​ລ້ຽງ​ນັ້ນ​ໄດ້​ຕາຍ​ຕາມ​ລຳດັບ.ຕົວ​ຢ່າງ​ສັດ​ປີກ​ຕາຍ​ໂດຍ​ຜ່ານ​ຈາກ​ການ​ກວດ​ສອບແລ້ວ,ຖືກ​ຢືນ​ຢັ້ນວ່າ​ໄດ້​ຕິດ​ເຊື້ອ​ໄຂ້ຫວັດ​ສັດ​ປີກ​ປະ​ເພດ​ຮ້າຍ​ແຮງ​ແບບH5N1.ພາກສ່ວນ​ສັດຕະວະ​ແພດ​ແຂວງ​ບິນດິນ​ໄດ້​ໃຊ້​ມາດ​ຕະການ​ໂດຍ​ດ່ວນ,​ເພື່ອ​ປ້ອງ​ກັນ​ບໍ່​ໃຫ້ສະພາບ​ໄຂ້ຫວັດ​ສັດ​ປີກ​ລະບາດ.