ຂ່າວສານ​ຊິນ​ຮວາ​ໄດ້​ອ້າງຂ່າວຂອງ​ຂ່າວສານ​ຫວຽດນາມມາລາຍ​ງານ​ວ່າ,ຫວ່າງ​ມໍ່​ໆ​ນີ້,ຜູ້​ຊາຍ​ຜູ້​ໜຶ່ງອາຍຸ20​ປີຜູ້​ໜຶ່ງ​ຂອງ​ແຂວງ​ຮາ​ທາຍ ພາກ​ເໜືອ​ຫວຽດນາມ​​ໄດ້​​ຕາຍ​ຍ້ອນ​ຕິດ​ເຊື້ອ​ພະຍາດ​​ໄຂ້ຫວັດ​ສັດ​ປີກ,ນີ້​ແມ່ນ​ຜູ້​ຕາຍ​ຍ້ອນ​ຕິດ​ເຊື້ອ​ພະຍາດ​ໄຂ້ຫວັດ​ສັດ​ປີກ​ຜູ້​ທຳ​ອິດ​ຂອງ​ຫວຽດນາມ​ນັບ​ແຕ່​ປີ2005​ມາ​ນີ້.

ຜົນ​ກວດ​ສອບຂອງ​ສະ​ຖາ​ບັນ​ຄົ້ນຄວ້າ​ສາທາລະນະ​ສຸກ​ພະຍາດ​​ແຜ່ລະບາດສູນ​ກາງ​ຫວຽດນາ​ມສະ​ແດງ​ໃຫ້​ເຫັນ​ວ່າ,ຜູ້​ຕາຍ​ໄດ້​ຕິດ​ເຊື້ອ​ພະຍາດ​ໄຂ້ຫວັດ​ສັດ​ປີກ​ປະ​ເພດ​H5N1,​ໃນ​ບ້ານ​ຂອງ​ຜູ້​ຕາຍ​ໄດ້​ລ້ຽງ​​ໄກ່​ແລະ​​ເປັດ20​ໂຕ.

ນັບ​ແຕ່​ປີ​ນີ້​ເປັນ​ຕົ້ນ​ມາ,ຫວຽດນາມ​ໄດ້​ຢືນຢັນ5​ຄົນ​​ເປັນ​ໄຂ້ຫວັດ​ສັດ​ປີກ,​ໃນ​ນັ້ນ​2ຄົນ​ຂອງ​ແຂວງ​ຢົງ​ຟູ​ແລະ​ແຂວງ​ຊິນ​ຮາ​ໄດ້​ອອກ​ໂຮງໝໍ,ສ່ວນ2​ຄົນ​ຂອງ​ແຂວງ​ຮາ​ນາມ​ແລະ​ແຂວງ​ທາຍ​ຢຸນຍັງ​ຮັບ​ການປິ່ນປົວ​ຢູ່​ໂຮງໝໍ​ພະຍາດ​ແຖບ​ຮ້ອນ​ແຫ່ງ​ຊາດ.