|
|
 |
| (GMT+08:00)
2007-06-22 20:45:03
|
 |
|
ກອງປະຊຸມສົນທະນາຍຸດທະສາດຈີນອາເມລິກາຄັ້ງທີ4ໄດ້ອັດລົງ
cri
ຕາມຂ່າວCRI,ກອງປະຊຸມສົນທະນາຍຸດທະສາດຈີນອາເມລິກາຄັ້ງທີ4ທີ່ດຳເນີນເປັນເວລາ2ມື້ຢູ່ວໍຊິງຕັນໄດ້ອັດລົງແລ້ວໃນວັນທີ21ມິຖຸນານີ້.ທ່ານຕ້າຍປິງໂກວ ລັດຖະມົນຕີຊ່ວຍວ່າການກະຊວງການຕ່າງປະເທດຈີນແລະທ່ານຈອນ ເນໂກຼພອນທ໌ ລັດຖົມນຕີຊ່ວຍວ່າການກະຊວງການຕ່າງປະເທດອາເມລິກາໄດ້ນຳພາຄະນະຜູ່ແທນຂອງປະເທດຕົນເຂົ້າຮ່ວມກອງປະຊຸມແລກປ່ຽນຄວາມເຫັນຢ່າງກົງໄປກົງມາແລະເລິກເຊິ່ງ ຍຸດທະສາດ,ຍາວນານແລະພາກສ່ວນລວມຂອງການພົວພັນລະຫວ່າງສອງປະເທດພ້ອມດ້ວຍບັນຫາສຳຄັນໃນສາກົນແລະພາກພື້ນທີ່ສົນໃຈນຳກັນ.
ສອງຝ່າຍກ່າວວ່າຈະຜັນຂະຫບາຍຄວາມເຫັນເປັນເອກະພາບກັນທີ່ສຳຄັນທີ່ປະມຸກລັດສອງປະເທດຕົກລົງກັນ,ເປີດກວ້າງຜົນປະໂຫຍດຮ່ວມເລື້ອຍໆ,ເພີ່ມທະວີການແລກປ່ຽນແລະການຮ່ວມມືກັນ,ເພີ່ມຄວາມໄວ້ເນື້ອເຊື່ອໃຈກັນທາງຍຸດທະສາດບົນພື້ນຖານທີ່ສະເໜີພາບແລະເຄົາລົບເຊິ່ງກັນແລະກັນ,ພ້ອມກັນຮັບປະກັນໃຫ້ການພົວພັນຈີນອາເມລິກາຂະຫຍາຍຕົວຢ່າງປອດໃສແລະໝັ້ນທ່ຽງໃນໄລຍະຍາວນານ.ສອງຝ່າຍເຫັນວ່າ,ຕ້ອງຊຳລະບັນຫາໄຕ້ຫວັນຢ່າງເໝາະສົມ,ປົກປັກຮັກສາສັນຕິພາບແລະສະຖຽນລະພາບຂອງຊ່ອງແຄບໄຕ້ຫວັນ,ປົກປັກຮັກສາພາກສ່ວນລວມຂອງການພົວພັນຈີນອາເມລິກາ.
ສອງຝ່າຍຍັງໄດ້ປຶກສາຫາລືບັນຫາຕ່າງໆເຊັ່ນບັນຫານີວເຄຼຍແຫຼມເກົາຫຼີ,ບັນຫານີວເຄຼຍຂອງອີຣານ,ການປ່ຽນແປງຂອງດິນຟ້າອາກາດ,ຄວາມປອດໄພດ້ານພະລັງງານ,ການປ້ອງກັນການແຜ່ຜາຍອາວຸດລ້າງຜານຢ່າງຮ້າຍແຮງເປັນຕົ້ນ.
|
|
|
