|
|
 |
| (GMT+08:00)
2007-06-25 11:38:00
|
 |
|
ທ່ານອັບບາສປັດປ່າຍຄວາມອາດເປັນໄປໄດ້ທີ່ສົນທະນາກັບອົງການຮາມາສ
cri
ຕາມຂ່າວCRI,ວັນທີ24ມິຖຸນານີ້,ຢູ່ທີ່ອຳມານ ນະຄອນຫຼວງຊອກດານີ,ທ່ານມາເຮີມຸດອັບບາສ ປະທານອົງການອຳນາດແຫ່ງຊາດປາເລັສຕິນກ່າວວ່າ,ທ່ານຈະບໍ່ສົນທະນາກັບຂະບວນການຕໍ່ຕ້ານຂອງອິສລາມປາເລັສຕິນຫຼືຮາມາສ.ພ້ອມດຽວກັນນັ້ນ,ປະເທດສ່ວນໜຶ່ງສືບຕໍ່ກ່າວວ່າສະໜັບສະໜູນທ່ານອັບບາສ.
ວັນທີ24ມິຖຸນານີ້,ພາຍຫຼັງພົບປະເຈລະຈາກັບ ສົມເດັດອັບດູນລາ ລາຊະການທີສອງເຈົ້າຊີວິດຂອງຊອກດານີແລ້ວ,ທ່ານອັບບາສໄດ້ຖະແຫຼງຕໍ່ສື່ມວນຊົນວ່າ,ຮາມາສແມ່ນຜູ່ກໍ່ລັດຖະປະຫານ. ບໍ່ມີຄວາມອາດເປັນໄປໄດ້ຈັກເມັດທີ່ທ່ານສົນທະນາກັບອົງການດັ່ງກ່າວ.
ເຈົ້າຊີວິດອັບດູນລາຊົງຕັດວ່າຊອກດານີຈະອອກແຮງສຸດຂີດສະໜັບສະໜູນອົງການອຳນາດແຫ່ງຊາດປາເລັສຕິນແລະລັດຖະບານຊົ່ວຄາວຂອງປາເລັສຄິນ.
ຕອນຄ່ຳມື້ດຽວກັນ,ກອງທະຫານອິສຣາແອນໄດ້ຫຼອນໂຈມຕີທາງອາກາດຕໍ່ເມືອງກາຊາ,ຢ່າງໜ້ອຍເຮັດໃຫ້5ຄົນເສຍຊີວິດຫຼືບາດເຈັບ.ພ້ອມກັນນັ້ນ,ລັດຖະບານອິສຣາແອນໄດ້ອະນຸມັດມອບພາສີຈຳນວນຫຼາຍຮ້ອຍລານໂດລາທີ່ອິສຣາແອນເກັບແທນນັ້ນໃຫ້ລັດຖະບານຊົ່ວຄາວຂອງປາເລັສຕິນເພື່ອເສີມສ້າງກຳລັງຂອງທ່ານອັບບາສພ້ອມດ້ວຍລັດຖະບານຊົ່ວຄາວ.
ນາງຄອນໂດລີຊາໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາທີ່ພວມຢ້ຽມຢາມຝະຣັ່ງກ່າວວ່າ,ອາເມລິກາຈະສືບຕໍ່ສະໜັບສະໜູນທ່ານອັບບາສ,ສະໜັບສະໜູນປາເລັສຕິນສ້າງຕັ້ງປະເທດ.
|
|
|
