ຕາມ​ຂ່າ​ວສານ​ຊິນ​ຮວາ:ວັນ​ທີ26​ມິຖຸນາ​ນີ້,​ໃນ​ພິທີ​ເຜົາ​ຢາ​ເສບ​ຕິດ​ທີ່​ຈັດ​ຂຶ້ນ​ຢູ່ລາ​ຊິວມຽນມາ,ທ່ານ​ຄີ​ນອີ ຜູ້​ບັນຊາ​ການຕຳຫຼວດ,​ເລຂາທິການ​ຄະນະ​ກຳມະການ​ປາບ​ປາມ​ຢາ​ເສບ​ຕິດ​ສູນ​ກາງ​ຂອງມຽນມາກ່າວ​ວ່າ,ມຽມມາ​ຈະພະຍາຍາມ​ບັນລຸ​ເປົ້າ​ໝາຍ​ປາບ​ປາມ​ຢາ​ເສບ​ຕິດ​ແຫ່ງ​ຊາດ,ຮອດ​ປີ2014,ຈະກາຍ​ເປັນປະ​ເທດ​ທີ່​ບໍ່​ປູກ​ຝິ່ນ.

ທ່ານຄີ​ນອີ​ໄດ້​ຍົກ​ເອົາ​ບົດ​ລາຍ​ງານຂອງ​ຫ້ອງການ​ບັນຫາ​ຢາ​ເສບ​ຕິດ​ແລະ​ການຕ້ອງ​ໂທດສະຫະ​ປະຊາ​ຊາດ​​ມາກ່າວ​ວ່າ,​ເນື່ອທີ່​ປູກຝິ່ນ​ແລະຜົນ​ຜະລິດ​ຢາຝິ່ນ​ຂອງ​ມຽມມາ​​ລ້ວນ​ແຕ່ໄດ້​ຫຼຸດ​ໜ້ອຍ​ລົງ​ຢ່າງ​ຫຼວງ​ຫຼາຍ,​ຄື​ໄດ້​ຫຼຸດ​ຈາກ1​ແສນ5​ໝື່ນ5​ພັນ​ເຮັກຕາ​ແລະ1670ກວ່າ​ໂຕນ​ໃນ​ປີ1997​ລົງຮອດ2​ໝື່ນ1​ພັນ​ກວ່າ​ເຮັກຕາ​ແລະ330​ກວ່າ​ໂຕນ​ໃນ​ປີ2006.ຕົວ​ເລກ​ເຫຼົ່າ​ນີ້ສະ​ແດງ​ໃຫ້​ເຫັນ​ວ່າ,ວຽກງານ​ປາມ​ປາມ​ຢາ​ເສບ​ຕິດ​ຂອງ​ມຽມມາ​ໄດ້​ຮັບ​ຜົນສຳ​ເລັດ​ຢ່າງຫຼວງ​ຫຼາຍ.

ທ່ານ​ຄີ​ນອີ​ຍັງ​ໄດ້ຍົກ​ຕົວຢ່າງ​ການຮ່ວມ​ມື​ກັບປະ​ເທດ​ໃກ້​ຄຽງ ​ເຊິ່ງລວມທັງ​ຈີນ​ແລະ​ສະມາຊິກ​ອື່ນໆ​ໃນປະຊາ​ຄົມ​ໂລກ​ໃນ​ດ້ານ​ການ​ປາບ​ປາມ​ຢາ​ເສບ​ຕິດຢ່າງ​ສຳ​ເລັດ​ຜົນ,​ແລະ​ກ່າວ​ວ່າມ​ຽມມາ​ຍິນ​ດີ​ເພິ່ມທະວີ​ການ​ຮ່ວມ​ມືຫຼາຍ​ຢ່າງ​ກັບປະຊາ​ຄົມ​ໂລກ​ໃນ​ຂົງ​ເຂດ​ປາບປາມ​ຢາ​ເສບ​ຕິດ.