|
|
 |
| (GMT+08:00)
2007-07-02 18:10:05
|
 |
|
ສະຖານທູດຈີນປະຈຳຕ່າງປະເທດແລະຊາວຈີນທີ່ຢູ່ຕ່າງປະເທດສະຫຼອງຮົງກົງກັບຄືນສູ່ປະເທດຊາດຄົບຮອບ10ປີ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ສະຖານທູດຈີນປະຈຳຕ່າງປະເທດ,ຊາວຈີນຕ່າງດາວແລະຊາວຈີນທີ່ຢູ່ຕ່າງປະເທດໄດ້ພາກັນຈັດກິດຈະກຳສະເຫຼີມສະຫຼອງຮົງກົງກັບຄືນສູ່ປະເທດຊາດຄົບຮອບ10ປີ.
ວັນທີ30ມິຖຸນາແລ້ວນີ້,ຢູ່ສິງກະໂປ,ກະຊວງວັດທະນະທຳຈີນແລະສະຖານທູດຈີນປະຈຳສິງກະໂປໄດ້ຮ່ວມກັນຈັດງານວາງສະແດງຮູບພາບທີ່ມີຫົວຂໍ້ວ່າ,ຮົງກົງ ເມືອງທີ່ມີສະເໜ່ ກັບຄືນສູ່ປະເທດຊາດຄົບຮອບ10ປີ. ທ່ານຈ່າງສຽວຄ່າງ ເອກອັກຄະລັດຖະທູດຈີນປະຈຳສິງກະໂປກ່າວວ່າ,ເຊື່ອວ່າງານວາງສະແດງຮູບພາບເທື່ອນີ້ຈະໄດ້ຮັບປະສິດທິຜົນດີຢູ່ສິງກະໂປ.
ວັນທີ30ມິຖຸນາແລ້ວນີ້, ຄະນະຈັດຕັ້ງຊາວຈີນທີ່ຢູ່ອາເມລິກາໄດ້ຈັດງານສະແດງສິລະປະວັນນະຄະດີສະຫຼອງຮົງກົງກັບຄືນສູ່ປະເທດຊາດຄົບຮອບ10ປີຢູ່ນີວຢອກ.ທ່ານວາງກວ່າງຢາ ຜູ່ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ເຂົ້າຊົມງານສະແດງ,ທ່ານກ່າວວ່າ,ນະໂຍບາຍ"ປະເທດດຽວ ສອງລະບອບ"ໄດ້ຮັບການປະຕິບັດຢູ່ຮົງກົງ ຢ່າງສຳເລັດຜົນນັ້ນໄດ້ເປັນທິດທາງອັນຈະແຈ້ງໃຫ້ແກ່ການແກ້ໄຂບັນຫາໄຕ້ຫວັນ,ທ່ານອວຍພອນໃຫ້ພາລະກິດອັນຍິ່ງໃຫຍ່ທີ່ປະຊາຊາດຈີນຟື້ນຟູຄວາມຈະເລີນຮຸ່ງເຮືອງຄືນໃໝ່ແລະທ້ອນໂຮມປະເທດຊາດເຂົ້າເປັນເອກະພາບກັນຈະບັນລຸຄວາມເປັນຈິງໂດຍໄວ.
ວັນທີ1ກໍລະກົດນີ້,ຢູ່ໂລເມ ນະຄອນຫຼວງໂຕໂກ,ຊາວຈີນຕ່າງດ້າວແລະຊາວຈີນທີ່ຢູ່ໂຕໂກໄດ້ຈັດງານໂຮມຊຸມນຸມ,ສະຫຼອງຮົງກົງກັບຄືນສູ່ປະເທດຊາດຄົບຮອບ10ປີຢ່າງຄຶກຄື້ນ.ທ່ານຢາງມິນເອກອັກຄະລັດຖະທູດຈີນປະຈຳໂຕໂກໄດ້ເຂົ້າຮ່ວມງານແລະກ່າວຄຳປາໄສວ່າ,ນັບແຕ່ ກັບຄືນສູ່ປະເທດຊາດມານີ້,ຮົງກົງພັດທະນາໄປຢ່າງສະດວກ,ແລະນັບມື້ນັບດີຂຶ້ນ,ທັງນີ້ແມ່ນແຍກອອກຈາກຄວາມເຂັ້ມແຂງແລະການພັດທະນາຂອງປະເທດຊາດບໍ່ໄດ້.
|
|
|
