|
|
 |
| (GMT+08:00)
2007-07-06 18:54:21
|
 |
|
ສະພາຮ່າງລັດຖະທຳມະນູນຂອງໄທລົງຄະແນນສຽງຜ່ານຮ່າງລັດຖະທຳມະນູນສະບັບໃໝ່
cri
Author: MO
ຕາມຂ່າວCRI: ຕອນເຊົ້າວັນທີ 6 ກໍລະກົດນີ້, ຢູ່ຫໍລັດຖະສະພາທີ່ບາງກອກ, ສະພາຮ່າງລັດຖະທຳມະນູນຂອງໄທໄດ້ຈັດກອງປະຊຸມຄົບຄະນະ, ສະມາຊິກທີ່ຮ່ວມປະຊຸມເປັນເອກະສັນກັນເຫັນດີຜ່ານຮ່າງລັດຖະທຳມະນູນສະບັບໃໝ່.
ຮ່າງລັດຖະທຳມະນູນສະບັບໃໝ່ຂອງໄທ ລວມມີ 309 ມາດຕາ. ລັດຖະບານໄທຈະພິມ 19 ລ້ານເຫຼັ້ມໃນໄລຍະມໍ່ໆນີ້ເພື່ອແຈກໃຫ້ແຕ່ລະຄອບຄົວໃນທົ່ວປະເທດ, ເພື່ອຊ່ອຍມວນຊົນເຂົ້າໃຈເນື້ອໃນຂອງລັດຖະທຳມະນູນສະບັບໃໝ່ກ່ອນເອົາປະຊາມະຕິທົ່ວປວງຊົນ.
ຕາມແຜນການ, ໄທຈະຈັດການເອົາປະຊາມະຕິທົ່ວປວງຊົນກ່ຽວກັບຮ່າງລັດຖະທຳມະນູນສະບັບໃໝ່ໃນວັນທີ 19 ສິນຫາ, ພາຍຫຼັງຜ່ານຮັບຮອງແລ້ວຈຶ່ງສາມາດປະກາດໃຊ້ຢ່າງເປັນທາງການ. ຖ້າບໍ່ດັ່ງນັ້ນ, ອີງຕາມຂໍ້ກຳນົດຂອງລັດຖະທຳມະນູນຊົ່ວຄາວ, ຈະໃຫ້ປະທານຄະນະກຳມະການຄວາມໝັ້ນຄົງແຫ່ງຊາດເລືອກເອົາສະບັບໜຶ່ງຈາກລັດຖະທຳມະນູນທີ່ໃຊ້ມານັ້ນ, ແລ້ວເອົາໄປປັບປຸງໃນເວລາໜຶ່ງເດືອນແລ້ວກໍປະກາດໃຊ້ໂລດ.
|
|
|
