|
|
 |
| (GMT+08:00)
2007-07-12 20:48:30
|
 |
|
ມຽນມາຄັດຄ້ານໄຕ້ຫວັນເຂົ້າເປັນສະມາຊິກສະຫະປະຊາຊາດໃນນາມໃດໆ
cri
ຕາມຂ່າວສານຊິນຮວາ,ວັນທີ12ກໍລະກົດນີ້,ກະຊວງການຕ່າງປະເທດມຽນມາໄດ້ອອກຖະແຫຼງການ,ກ່າວຢ້ຳວ່າມຽນມາສືບຕໍ່ຍຶດໝັ້ນນະໂຍບາຍຈີນດຽວ,ຄັດຄ້ານເຈດຕະນາຂອງໄຕ້ຫວັນທີ່ຢາກເຂົ້າເປັນສະມາຊິກສະຫະປະຊາຊາດໃນນາມໃດໆ.
ໂດຍແນໃສ່ເຈົ້າໜ້າທີ່ເສິນສຸຍປຽນຂອງໄຕ້ຫວັນຊູຊີຊຸກຍູ້ການປ່ອນບັດເອົາປະຊາມະຕິທົ່ວປວງຊົນເພື່ອເຂົ້າເປັນສະມາຊິກສະຫະປະຊາຊາດໃນນາມໃຕ້ຫວັນໃນຫວ່າງມໍ່ໆນີ້,ຖະແຫຼງການຂຽນວ່າ,ໃນຖານເປັນປະເທດທີ່ຮັກສາການພົວພັນໄມຕີຈິດກັບສາທາລະນະລັດປະຊາຊົນຈີນຢ່າງໝັ້ນໜຽວບໍ່ປ່ຽນແປງຕະຫຼອດມາ,ສະຫະພາບມຽນມາປະຕິບັດຫຼັກການຈີນດຽວຕະຫຼອດມາ,ເຫັນວ່າໄຕ້ຫວັນແມ່ນພາກສ່ວນໜຶ່ງຂອງຈີນທີ່ຕັດແຍກອອກຈາກບໍ່ໄດ້.
ຖະແຫຼງການຍັງຂຽນວ່າ,ສະຫະພາບມຽນມາເຫັນວ່າ,ໄຕ້ຫວັນຊຸກຍູ້ການປ່ອນບັດເອົາປະຊາມະຕິທົ່ວປວງຊົນເພື່ອເຂົ້າເປັນສະມາຊິກສະຫະປະຊາຊາດຈະເຮັດໃຫ້ການພົວພັນລະຫວ່າງສອງຝັ່ງຊ່ອງແຄບໄຕ້ຫວັນເຄັ່ງຕຶງຂຶ້ນ,ຈະສ້າງຄວາມອັດຕະລາຍຕໍ່ສັນຕິພາບແລະສະຖຽນລະພາບຂອງພາກພື້ນແຫ່ງນີ້,ສະນັ້ນ,ມຽນມາຄັດຄ້ານເຈດຕະນາຂອງໄຕ້ຫວັນທີ່ຢາກເຂົ້າເປັນສະມາຊິກສະຫະປະຊາຊາດໃນນາມໃດໆ.
|
|
|
