|
|
 |
| (GMT+08:00)
2007-07-14 21:01:47
|
 |
|
ກອງປະຊຸມຄະນະກຳມະການຮ່ວມສຳພັນເສດຖະກິດການຄ້າຈີນມາເລເຊຍຄັ້ງທີ8ຈັດຂຶ້ນຢູ່ກົວລາລຳເປີ
cri
Author: da
ຕາມຂ່າວສານຊິນຮວາ:ວັນທີ13ກໍລະກົດນີ້ ກອງປະຊຸມຄະນະກຳມະການຮ່ວມສຳພັນເສດຖະກິດການຄ້າຈີນມາເລເຊຍຄັ້ງທີ8ໄດ້ຈັດຂຶ້ນຢູ່ກົວລາລຳເປີ ນະຄອນຫຼວງມາເລເຊຍ.ທ່ານໂປຊີ່ໄລ ລັດຖະມົນຕີກະຊວງການຄ້າຈີນແລະທ່ານຣາຟີດາ ອາຊີສ ລັດຖະມົນຕີກະຊວງການຄ້າສາກົນແລະອຸດສາຫະກຳມາເລເຊຍໄດ້ພ້ອມກັນເປັນປະທານຈັດກອງປະຊຸມ.ສອງຝ່າຍໄດ້ແລກປ່ຽນຄວາມເຫັນກ່ຽວກັບບັນຫາການເປີດກວ້າງແລະລົງເລິກການຮ່ວມມືທາງເສດຖະກິດການຄ້າຈີນມາເລເຊຍ ແລະບັນຫາອື່ນໆທີ່ສົນໃຈນຳກັນ.
ທ່ານໂປຊີ່ໄລກ່າວວ່າ, ການຮ່ວມມືທາງເສດຖະກິດການຄ້າລະຫວ່າງຈີນກັບມາເລເຊຍມີພື້ນຖານອັນດີງາມ.ອີງຕາມທ່ວງທ່າພັດທະນາໃນສະເພາະໜ້ານີ້,ຄາດໝາຍການຄ້າຂອງສອງຝ່າຍໃນປີ2010ໃຫ້ບັນລຸ50ຕື້ໂດລາທີ່ຜູ່ນຳສອງປະເທດໄດ້ວາງໄວ້ນັ້ນມີຫວັງຈະບັນລຸຜົນເປັນຈິງກ່ອນເວລາກຳນົດ.
ທ່ານຣາຟີດາກ່າວວ່າ,ຈີນແມ່ນຄູ່ການຄ້າທີ່ສຳຄັນຂອງມາເລເຊຍ,ເສດຖະກິດຂອງຈີນພັດທະນາຢ່າງວ່ອງໄວໄດ້ເຮັດໃຫ້ຫຼາຍປະເທດເຊິ່ງລວມທັງມາເລເຊຍໄດ້ຮັບຜົນປະໂຫຍດ.
|
|
|
