|
|
 |
| (GMT+08:00)
2007-07-20 10:57:38
|
 |
|
4ຝ່າຍກ່ຽວກັບບັນຫາຕາເວັນອອກກາງກ່າວລື້ມວ່າຈະຊຸກຍູ້ໃຫ້ປາເລັສຕີນອິສຣາແອນບັນລຸສັນຕິພາບ
cri
Author: mo
ຕາມຂ່າວCRI：ວັນທີ 19 ກໍລະກົດນີ້, ຢູ່ລິສບອນ ນະຄອນຫຼວງປອກຕຸຍການ, 4ຝ່າຍກ່ຽວກັບບັນຫາຕາເວັນອອກກາງຄືສະຫະປະຊາຊາດ ສະຫະພາບເອີລົບ ອາເມລິກາແລະຣັດເຊຍໄດ້ຈັດກອງປະຊຸມ, ກ່າວລື້ມວ່າ, 4ຝ່າຍຈະຖືແຜນທີ່ເສັ້ນທາງສັນຕິພາບຂອງຕາເວັນອອກກາງແລະມະຕິທີ່ກ່ຽວຂ້ອງຂອງສະພາຄວາມໝັ້ນຄົງສະຫະປະຊາຊາດເປັນພື້ນຖານ, ຊຸກຍູ້ໃຫ້ສິ້ນສຸດການປະທະກັນລະຫວ່າງປາເລັສຕີນອິສຣາແອນ, ແລະສ້າງຕັ້ງປະເທດປາເລັສຕີນທີ່ເປັນເອກະລາດ ປະຊາທິປະໄຕ ແລະຢູ່ຮ່ວມກັນກັບອິສຣາແອນໂດນສັນຕິ, ເຮັດໃຫ້ຕາເວັນອອກກາງມີສັນຕິພາບຖາວອນ.
ມື້ດຽວກັນ, ນາງຄອນໂດລີຊາ ໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາແລະທ່ານລັບລົຟ ລັດຖະມົນຕີວ່າການກະຊວງການຕ່າງປະເທດຣັດເຊຍຕ່າງກ່າວວ່າ, ຈະສືບຕໍ່ສະໜັບສະໜູນທ່ານອັບບັສ ປະທານອົງການອຳນາດແຫ່ງຊາດປາເລັສຕີນ. ນາງໄລສ໌ຍັງກ່າວຢໍ້າວ່າ, ອາເມລິກາຈະບໍ່ໄປມາຫາສູ່ກັນກັບອົງການຣາມັສ ຂະບວນການອິສລາມຕໍ່ຕ້ານຂອງປາເລັສຕີນ.
ມື້ດຽວກັນ, ຄະນະກຳມະການສູນກາງຂອງອົງການປົດປ່ອຍປາເລັສຕີນໄດ້ຜ່ານຍັດຕິກ່ຽວກັບການຈັດການເລືອກຕັ້ງທົ່ວໄປກ່ອນເວລາກຳນົດທີ່ທ່ານອັບບັສສະເໜີກ່ອນໜ້ານີ້, ສະໜັບສະໜູນການຈັດການເລືອກຕັ້ງປະທານອົງການອຳນາດແຫ່ງຊາດປາເລັສຕີນແລະຄະນະກຳມະການນິຕິບັນຍັດປາເລັສຕີນກ່ອນເວລາກຳນົດ.
|
|
|
