|
|
 |
| (GMT+08:00)
2007-07-21 16:24:56
|
|
ການປະຕິບັດແຜນການ"ສັນຍາສາກົນຂອງອີຣັກ"ໄດ້ຮັບຄວາມຄືບໜ້າ
cri
Author: MO
ຕາມຂ່າວCRI: ວັນທີ 20 ກໍລະກົດນີ້, ນາງອາຊາ ໂຣສ໌ ມີກີໂຣ ຮອງເລຂາທິການໃຫຍ່ປະຈຳການຂອງອົງການສະຫະປະຊາຊາດກ່າວວ່າ, ໃຕ້ເບື້ອງຫຼັງຂ້ຽວຂາດທີ່ອີຣັກເກີດເຫດການດ້ວຍກຳລັງຮຸນແຮງເລື້ອຍໆນັ້ນ, ການປະຕິບັດແຜນການ"ສັນຍາສາກົນຂອງອີຣັກ"ຍັງໄດ້ຮັບຄວາມຄືບໜ້າ.
ໃນກອງປະຊຸມປະກາດບົດລາຍງານໄລຍະກາງປະຈຳປີຂອງ"ສັນຍາສາກົນອີຣັກ"ທີ່ຈັດຂຶ້ນຢູ່ສຳນັກງານໃຫຍ່ທີ່ນິວຢວກ, ນາງມີກີໂຣກ່າວວ່າ, ບົດລາຍງານເຫັນວ່າ, ລັດຖະບານອີຣັກໄດ້ສະແດງໃຫ້ເຫັນຄວາມຕັດສິນໃຈທີ່ປະຕິບັດຕາມຄຳໝັ້ນສັນຍາ, ວຽກງານຕ່າງໆຂອງອີຣັກເຊັ່ນສ້າງກົດໝາຍແລະສ້າງກອງທັບຮັກສາຄວາມປອດໄພທົ່ວປະເທດນັ້ນໄດ້ຮັບຄວາມຄືບໜ້າຢ່າງພົ້ນເດັ່ນ.
ນາງມີກີໂຣຍັງກ່າວວ່າ, ການຫຼຸດຫຼືຍົກເວັ້ນໜີ້ສິນແມ່ນສຳຄັນທີ່ສຸດຕໍ່ອີຣັກເພື່ອຈະໄດ້ຮັບຄວາມຄືບໜ້າໃນຂົງເຂດອື່ນໆ. ນາງຮຽກຮ້ອງໃຫ້ປະຊາຄົມໂລກປະຕິບັດຕາມຄຳໝັ້ນສັນຍາໃນເວລາຮ່າງສັນຍາສະບັບນີ້ຢ່າງຮອບດ້ານ.
|
|
|
