|
|
 |
| (GMT+08:00)
2007-07-24 12:10:04
|
 |
|
ຈີນຍ້ອງຍໍໃນລະດັບສູງຕໍ່ກອງເລຂາສະຫະປະຊາຊາດທີ່ສົ່ງຈົດໝາຍຂອງເສິນສຸຍປຽນຄືນ
cri
ຕາມຂ່າວສານຊິນຮວາ,ວັນທີ23ກໍລະກົດນີ້,ທ່ານວາງກວ່າງຢາ ຜູ່ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ໃຫ້ທັດສະນະກ່ຽວກັບກອງເລຂາສະຫະປະຊາຊາດປະຕິເສດບໍ່ຮັບເອົາແລະສົ່ງຈົດໝາຍຂອງເສິນສຸຍປຽນຄືນ,ທ່ານກ່າວວ່າ,ການຕົກລົງຂອງກອງເລຂາສະຫະປະຊາຊາດໄດ້ປົກປັກຮັກສາຄວາມເຄັ່ງຂຶມຂອງກົດບັດສະຫະປະຊາຊາດແລະກຽດສັກສີຂອງສະຫະປະຊາຊາດ,ລັດຖະບານຈີນສະແດງຄວາມຍ້ອງຍໍໃນລະດັບສູງຕໍ່ເລື່ອງນີ້.
ທ່ານວາງກວ່າງຢາກ່າວວ່າ,ວັນທີ19ກໍລະກົດນີ້,ຜູ່ຕາງໜ້າຖາວອນຂອງສາມປະເທດປະຈຳສະຫະປະຊາຊາດເຊັ່ນໝູ່ເກາະໂຊໂລມອນໄດ້ສົ່ງຈົດໝາຍຂອງທ່ານເສິນສຸຍປຽນທີ່ຝາກໄປຍັງເລຂາທິການໃຫຍ່ສະຫະປະຊາຊາດໃຫ້ກອງເລຂາ,ເຊິ່ງຮ້ອງຂໍເຂົ້າເປັນສະມາຊິກສະຫະປະຊາຊາດໃນນາມໄຕ້ຫວັນ.ນີ້ແມ່ນການກະທຳແບ່ງແຍກໄຕ້ຫວັນອອກຈາກຈີນເພື່ອໃຫ້ເປັນເອກະລາດຢ່າງໄຮ້ສາລະແລະເປີດແປນ.ລັດຖະບານຈີນຄັດຄ້ານເລື່ອງນີ້ຢ່າງເດັດດ່ຽວ.
ທ່ານວາງກວ່າງຢາກ່າວເນັ້ນວ່າ,ໃນໂລກນີ້ມີແຕ່ປະເທດຈີນດຽວ,ໄຕ້ຫວັນແມ່ນພາກສ່ວນໜຶ່ງທີ່ຕັດແຍກອອກຈາກຈີນບໍ່ໄດ້,ລັດຖະບານສາທາລະນະລັດປະຊາຊົນຈີນແມ່ນລັດຖະບານທີ່ຊອບຕາມກົດໝາຍພຽງໜຶ່ງດຽວທີ່ຕາງໜ້າທົ່ວປະເທດຈີນ.ແມ່ນຜູ່ຕາງໜ້າຊອບຕາມກົດໝາຍພຽງໜຶ່ງດຽວຂອງຈີນຢູ່ໃນສະຫະປະຊາຊາດ.ນີ້ແມ່ນຫຼັກໝັ້ນທີ່ປະຊາຄົມໂລກຍຶດໝັ້ນໂດຍທົ່ວໄປ,ສອດຄ່ອງກັບກົດບັດສະຫະປະຊາຊາດທັງສິ້ນ,ແລະໄດ້ຮັບຄວາມຢືນຢັນຈາກມະຕິເລກທີ2758ຂອງສະມັດຊາໃຫຍ່ສະຫະປະຊາຊາດ.ໄຕ້ຫວັນບໍ່ມີຄຸນວຸດທິຈັກເມັດເຂົ້າເປັນສະມາຊິກສະຫະປະຊາຊາດທີ່ປະກອບດ້ວຍປະເທດອະທິປະໄຕບໍ່ວ່າໃນນາມໃດໆແລະດ້ວຍຮູບການໃດໆ.
|
|
|
