ຕາມ​ຂ່າວສານ​ຊິນ​ຮວາ:ວັນ​ທີ24​ກໍລະກົດ​ນີ້,ຜູ່​ອາວຸ​​ໂສວົງ​ຕະກຸນ​ອາ​ຟກາ​ນີສະຖານ​ຜູ້​ໜຶ່ງ​ທີ່​ພວມ​ເຂົ້າ​ຮ່ວມ​ການ​ເຈລະຈາ​ກ່ຽວ​ກັບ​ຕົວ​ປະກັນ​ສ.​ເກົາ​ຫຼີນັ້ນຢືນ​ຢັນ​ວ່າ,ກອງກຳລັງ​ປະກອບ​ອາວຸດ​ດາ​ລີ​ບານຍັງ​ບໍ່​ທັນ​ປະຫານ​ຊີວິດ​ຕົວ​ປະກັນກ່ອນ​ເວລາ​ກຳນົດ​ສຸດ​ທ້າຍ​ໃນ​ຕອນ​ຄ່ຳ​ວັນ​ທີ24​ກໍລະກົດ​ນີ້,ຫາກ​ແມ່ນ​ຮຽກ​ຮ້ອງ​ໃຫ້​ໃຊ້​ຕົວ​ປະກັນ​ສ.​ເກົາຫຼີ​8ຄົນ​ແລກ​ປ່ຽນ​ຄົນ​ໂທດດາ​ລີ​ບານ​8ຄົນກ່ອນ.

ຜູ່​ອາວຸ​ໂສວົງ​ຕະກຸນ​ດັ່ງກ່າວ​ກ່າວ​ວ່າ,ຝ່າຍ​​ດາ​ລີ​ບານ​ສະ​ເໜີ​ລາຍ​ຊື່ຂອງ​ຄົນ​ໂທດ​ດາ​ລີ​ບານ8​ຄົນ,ຮຽກ​ຮ້ອງ​ໃຫ້​ລັດຖະບານ​ອາ​ຟກາ​ນີສະຖານ​ປ່ອຍ​ຄົນ​ໂທດ8​ຄົນ​ກ່ອນ,​ເພື່ອ​​ແລກປ່ຽນ​ຕົວ​ປະກັນ​ສ.​ເກົາຫຼີ8ຄົນ,​ແລ້ວ​ຈິ່ງ​ຈະ​ສືບ​ຕໍ່​ເຈລະຈາ.ສ່ວນ​ຜູ່​ບັນຊາ​ຜູ່​ໜຶ່ງ​ຂອງດາ​ລີ​ບານ​ທີ່​ກັກ​ຕົວ​ປະກັນກໍ່​​ໄດ້​ກ່າວ​ຄວາມ​ເຫັນ​​ແບບ​ນີ້ເຊັ່ນ​ດຽວ​ກັນ.

ວັນ​ທີ24​ກໍລະກົດ​ນີ້,ຂ່າວສານ​ຢຸນຮັບ​ຂອງ​ສ.​ເກົາ​ຫຼີລາຍ​ງານ​ວ່າ,ລັດຖະບານ​ສ.​ເກົາຫຼີ​​ເຄີຍສົ່ງ​ຈົດ​ໝາຍ​ໃຫ້​ຝ່າຍ​ກອງທະຫານ​ອາ​ຟກາ​ນີສະຖານ​,ຫວັງ​ໃຫ້​ກອງທັບ​ອາ​ຟກາ​ນີສະຖານຈົ່ງຮັກສາ​ຄວາມ​ອົດ​ກັ້ນ​ໄວ້ຢູ່​ເຂດ​ທີ່​ອາດ​ຈະ​ກັກ​ຕົວ​ປະກັນ​ສ.​ເກົາຫຼີ.