|
ອົງການກອງທຶນການເງິນສາກົນກ່າວວ່າ, ຈີນຈະກາຍເປັນກຳລັງແມ່ແຮງໃຫຍ່ກວ່າໝູ່ທີ່ຊັກຈູງໃຫ້ເສດຖະກິດໂລກເພີ່ມຂຶ້ນ
cri
Author: mo
ຕາມຂ່າວສານຊີນຮວາ: ວັນທີ 25 ກໍລະກົດນີ້, ອົງການກອງທຶນການເງິນສາກົນຫຼືIMFໄດ້ປັບຕົວເລກຄາດຄະເນຕໍ່ການເພີ່ມຂຶ້ນຂອງເສດຖະກິດຈີນໃນສອງປີຄືປີນີ້ແລະປີໜ້າໃຫ້ສູງຂຶ້ນ, ແລະເຫັນວ່າ, ປີນີ້, ຈີນຈະກາຍເປັນກຳລັງແມ່ແຮງໃຫຍ່ກວ່າໝູ່ທີ່ຊຸກຍູ້ໃຫ້ເສດຖະກິດໂລກເພີ່ມຂຶ້ນ.
ໃນມື້ດຽວກັນ, IMFໄດ້ປະກາດບົດລາຍງານຫຼ້າສຸດວ່າ, ອັດຕາເຕີບໂຕຂອງເສດຖະກິດຈີນໃນປີນີ້ຈະບັນລຸເຖິງ 11,2%, ສູງກວ່າ10% ທີ່IMFເຄີຍຄາດຄະເນໄວ້ໃນເດືອນເມສາປີນີ້. ປີໜ້າ, ອັດຕາເຕີບໂຕຂອງເສດຖະກິດຈີນຈະບັນລຸເຖິງ 10,5%.
ໃນກອງປະຊຸມຂ່າວທີ່ຈັດຂຶ້ນໃນວັນທີ 25 ກໍລະກົດນີ້, ທ່ານຊາສ໌ ໂຄລິນສ໌ ຮອງຫົວໜ້າຫ້ອງການຄົ້ນຄວ້າຂອງIMFກ່າວວ່າ, ປີນີ້, ຈີນຈະກາຍເປັນກຳລັງແມ່ແຮງທີ່ແຮງກວ່າໝູ່ທີ່ຊຸກຍູ້ໃຫ້ເສດຖະກິດໂລກເຕີບໂຕ, ອັດຕາປະກອບສ່ວນຕໍ່ການເຕິບໂຕຂອງເສດຖະກິດໂລກຈະບັນລຸເຖິງ 25%.
ທ່ານຍັງກ່າວວ່າ, ການໃຊ້ຈ່າຍທີ່ຄືກັບການລົງທຶນໄດ້ກາຍເປັນເສົາຄ້ຳອີກອັນໜຶ່ງຂອງການເຕີບໂຕຂອງເສດຖະກິດຈີນ, ນີ້ສະແດງໃຫ້ເຫັນວ່າ, ເສດຖະກິດຈີນໄດ້ມີຄວາມກ້າວໜ້າໃນດ້ານພັດທະນາຢ່າງດຸນດ່ຽງກັນ.
|
|
