|
ຈີນເຫັນວ່າ,ປະເທດທີ່ພັດທະນາແລ້ວຄວນຫາບແບກໜ້າທີ່ຫຼາຍກວ່າເກົ່າໃນບັນຫາການປ່ຽນແປງຂອງດິນຟ້າອາກາດ
cri
Author: da
ຕາມຂ່າວCRI:ວັນທີ1ສິງຫານີ້ ໃນກອງປະຊຸມອະພິປາຍບັນຫາການປ່ຽນແປງຂອງດິນຟ້າອາກາດຂອງສະຫະປະຊາຊາດ ທ່ານລີວເຈີ້ນມິນ ຮອງຜູ່ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ກ່າວເນັ້ນວ່າ, ປະເທດທີ່ພັດທະນາແລ້ວຄວນຫາບແບກໜ້າທີ່ຫຼາຍກວ່າເກົ່າໃນການລະບາຍອາຍພິດເຮືອນແກ້ວ.
ທ່ານລິວເຈີ້ນມິນກ່າວວ່າ,ໂດຍປະເຊີນກັບການປ່ຽນແປງຂອງດິນຟ້າອາກາດ,ກ່ອນອື່ນ ປະຊາຄົມໂລກຄວນກ້າວເຖິງຂັ້ນມີຄວາມຮັບຮູ້ຄືກັນໃນບັນຫາສຳຄັນຈຳນວນໜຶ່ງ,ເຊິ່ງລວມທັງການຈຳກັດ"ການລະບາຍອາຍພິດຫຼາຍເກີດໄປ"ຂອງປະເທດຮັ່ງມີ ຮັບປະກັນ"ການລະບາຍເພື່ອຄວາມຢູ່ລອດແລະ"ການລະບາຍເພື່ອການພັດທະນາ"ຂອງປະເທດທຸກຍາກ. ທ່ານກ່າວວ່າ,ຫຼັກການ"ໜ້າທີ່ຮ່ວມແຕ່ມີການຈຳແນກ"ແລະຫຼັກການຍຸດຕິທຳແມ່ນພື້ນຖານການຮ່ວມມືສາກົນ,ປະເທດທີ່ພັດທະນາແລ້ວຄວນຫາບແບກໜ້າທີ່ປະຫວັດສາດແລະໜ້າທີ່ຕົວຈິງຢ່າງເໝາະສົມກັບຕົວຈິງ.
ທ່ານລິວເຈີ້ນມິນຊີ້ອອກວ່າ,ໃນຫຼາຍປີມານີ້,ຫາງສຽງໂລກເອົາໃຈໃສ່ນຳປະລິມານການລະບາຍກາກບອນດີອອກຊິດຂອງຈີນ,ແຕ່ຖືເບົາເລື່ອງຈິງພື້ນຖານທີ່ປະຊາກອນຈີນກວມທົ່ວໂລກເຖິງ21%.ທີ່ຈິງແລ້ວ,ຈຳນວນລະບາຍກາກບອນດີອອກຊິດທີ່ສະເລ່ຍຕໍ່ຫົວຄົນຂອງຈີນຍັງບໍ່ຮອດ1ສ່ວນ3 ຂອງລະດັບສະເລ່ຍຂອງປະເທດທີ່ພັດທະນາແລ້ວ.
|
|
