|
ລັດຖະມົນຕີການຕ່າງປະເທດຈີນປະກອບຄຳເຫັນໃນກອງປະຊຸມລັດຖະມົນຕີຕ່າງປະເທດຂອງເວທີປຶກສາຫາລືພາກພື້ນອາຊຽນຄັ້ງທີ14
cri
ຕາມຂ່າວສານຊິນຮວາ,ວັນທີ2ສິງຫານີ້,ທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດຈີນໄດ້ປະກອບຄຳເຫັນໃນກອງປະຊຸມລັດຖະມົນຕີຕ່າງປະເທດຂອງເວທີປຶກສາຫາລືພາກພື້ນອາຊຽນຄັ້ງທີ14,ທ່ານໄດ້ບັນລະຍາຍຄວາມເຫັນຂອງຈີນກ່ຽວກັບສະຖານະການພາກພື້ນອາຊີປາຊີຟິກ,ການສົນທະນາແລະການຮ່ວມມືດ້ານຄວາມໝັ້ນຄົງຂອງພາກພື້ນແລະທັດສະນະໃໝ່ກ່ຽວກັບຄວາມໝັ້ນຄົງ.
ທ່ານຢ່າງເຈສືກ່າວວ່າ,ໃນປີທີ່ຜ່ານມາ,ສັນຕິພາບ,ການພັດທະນາແລະການຮ່ວມມືຍັງຄົງແມ່ນກະແສຫຼັກຂອງສະຖານະການພາກພື້ນອາຊີປາຊີຟິກ.ແຕ່ວ່າ,ພາກພື້ນອາຊີປາຊີຟິກຍັງປະເຊີນກັບສິ່ງທ້າທາຍຕ່າງໆນາໆ.ພາຍໃຕ້ບົດບາດຂອງຈິນຕະນາການສົງຄາມເຢັນ,ທ່າອ່ຽງທີ່ເພີ່ມທະວີພັນທະມິດການທະຫານະລຫວ່າງສອງຝ່າຍ,ສະແຫວງຫາທ່າແຮງເດັດຖານດ້ານການທະຫານໄດ້ມີການຂະຫຍາຍຕົວ,ເຊິ່ງໄດ້ທຳລາຍຄວາມພະຍາຍາມທີ່ສ້າງຄວາມໄວ້ເນື້ອເຊື່ອໃຈກັນທາງດ້ານການເມືອງ,ໄດ້ເພີ່ມປັດໄຈທີ່ບໍ່ໝັ້ນທ່ຽງໃຫ້ແກ່ສະຖຽນລະພາບຂອງພາກພື້ນ.
ທ່ານຢາງເຈສືໄດ້ບັນລະບາຍຄວາມເຫັນຂອງຈີນກ່ຽວກັບການຊຸກຍູ້ການຮ່ວມມືດ້ານຄວາມໝັ້ນຄົງຂອງພາກພື້ນອາຊີປາຊີຟິກ,ຄືເຄົາລົບເຊິ່ງກັນແລະກັນ,ສະເໝີພາບກັນ,ດຳເນີນການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ,ພັດທະນາພ້ອມກັນ,ສະແຫວງຫາສິ່ງທີ່ຄືກັນ ສະຫງວນສິ່ງທີ່ຕ່າງກັນ, ປຶກສາຫາລືເຮັດວຽກ ນຳກັນ.
ທ່ານຢາງເຈສືຊີ້ອອກວ່າ,ທັດສະນະໃໝ່ກ່ຽວກັບຄວາມໝັ້ນຄົງແມ່ນທັດສະນະຄວາມໝັ້ນຄົງແລະເບົ້າແບບຄວາມໝັ້ນຄົງທີ່ສ້າງຕັ້ງຂຶ້ນຢູ່ບົນພື້ນຖານຄວາມຫຼາກຫຼາຍແລະຜົນປະໂຫຍດຮ່ວມຂອງພາກພື້ນອາຊີປາຊີຟິກ,ພວກເຮົາຄວນທະນຸຖະໜອມເປັນພິເສດ,ແລະຍຶດໝັ້ນຕໍ່ໄປຢ່າງໝັ້ນໜຽວບໍ່ປ່ຽນແປງ.
ໃນທີ່ສຸດ,ທ່ານຢາງເຈສືກ່າວວ່າ,ຈີນແມ່ນຜູ່ຕັ້ງໜ້າເຂົ້າຮ່ວມແລະສ້າງສາສັນຕິພາບ,ການພັດທະນາ,ການຮ່ວມມືແລະຄວາມຈະເລີນຮຸ່ງເຮືອງຂອງພາກພື້ນອາຊີປາຊີຟິກ.ຈີນຈະເຮັດຕາມທີ່ເຄີຍປະຕິບັດຜ່ານມາ,ເພີ່ມຄວາມໄວ້ເນື້ອເຊື່ອໃຈກັນໂດຍຜ່ານການສົນທະນາ,ຊຸກຍູ້ການຮ່ວມມືກັນດ້ວຍຄວາມໄວ້ເນື້ອເຊື່ອໃຈກັນ,ຜ່ານການຮ່ວມມືກັນເພື່ອໄດ້ຮັບຜົນປະໂຫຍດນຳກັນ.
|
|
