|
|
 |
| (GMT+08:00)
2007-08-07 20:09:11
|
 |
|
ລັດຖະບານອິສຣາແອນປະຕິເສດວ່າພວມພິຈາລະນາແລກປ່ຽນດິນແດນກັບປາເລັສຕິນ
cri
ຕາມຂ່າວCRI,ໜັງສືພິມຮາອາເລັສຂອງອິສຣາແອນສະບັບວັນທີ7ສິງຫານີ້ແຈ້ງຂ່າວວ່າ,ທ່ານເອຮຸດ ໂອນເມີດ ນາຍົກລັດຖະມົນຕີອິສຣາແອນພວມພິຈາລະນາໃຊ້ວິທີແລກປ່ຽນດິນແດນເພື່ອເຮັດໃຫ້ປາເລັສຕິນໄດ້ຮັບດິນແດນທີ່ມີເນື້ອທີ່ເທົ່າກັບດິນແດນທັງໝົດທີ່ຖືກຍຶດຄອງໃນສົງຄາມຕາເວັນອອກກາງເມື່ອປີ1967.ແຕ່ໃນມື້ດຽວກັນ,ລັດຖະບານອິສຣາແອນໄດ້ປະຕິເສດຂ່າວດັ່ງກ່າວ.
ໜັງສືພິມຮາອາເລັສແຈ້ງຂ່າວວ່າ,ອິສຣາແອນຈະພິຈາລະນາມອບດິນແດນອິສຣາແອນສ່ວນໜຶ່ງໃຫ້ປາເລັສຕິນ,ເພື່ອແລກເອົາທີ່ຕັ້ງຖິ່ນຖານຂະໜາດໃຫຍ່ຫຼາຍແຫ່ງ ຂອງອິສຣາແອນທີ່ຢູ່ຝັ່ງຕາເວັນຕົກແມ່ນ້ຳຈໍແດນ.ອິສຣາແອນຍັງພວມພິຈາລະນາແບ່ງເອົາບາງເຂດຕັ້ງພູມລຳເນົາຂອງຊາວອາຣັບທີ່ຢູ່ພາຍໃນປະເທດໃຫ້ປາເລັສຕິນ.ຂ່າວແຈ້ງວ່າ,ເມື່ອໄດ້ດຳລົງຕຳແໜ່ງໃນເດືອນແລ້ວນີ້ແລ້ວທ່ານຊີໂມນເປເລັສ ປະທານາທິບໍດີອິສຣາແອນໄດ້ສະເໜີແຜນການດັ່ງກ່າວໃຫ້ທ່ານໂອນເມີດ.
ວັນທີ7ສິງຫານີ້,ຫ້ອງການນາຍົກລັດຖະມົນຕີອິສຣາແອນໄດ້ອອກຖະແຫຼງການວ່າ,ອິສຣາແອນບໍ່ໄດ້ພິຈາລະນາແຜນການດັ່ງກ່າວ,ແລະກໍບໍ່ໄດ້ດຳເນີນການປຶກສາຫາລືໃດໆກ່ຽວກັບແຜນການນີ້.
|
|
|
