|
ອິນໂດເນເຊຍເກີດການລະເບີດເຮັດໃຫ້ 2 ຄົນເສຍຊີວິດ 4 ຄົນບາດເຈັບ
cri
Author: mo
ຕາມຂ່າວສານຊີນຮວາ: ວັນທີ 11 ສິງຫານີ້, ໃຈກາງເມືອງພາສູລູອານແຂວງຈາວາຕາເວັນອອກຂອງອິນໂດເນເຊຍເກີດການລະເບີດ, ເຮັດໃຫ້ 2 ຄົນເສຍຊີວິດ, 4 ຄົນບາດເຈັບ.
ສື່ມວນຊົນແຫ່ງນັ້ນແຈ້ງຂ່າວວ່າ, ບ່ອນລະເບີດຫ່າງຈາກກົມຕຳຫຼວດພຽງ 500 ແມັດເທົ່ານັ້ນ. ການລະເບີດນອກຈາກເຮັດໃຫ້ເຮືອນປະຊາຊົນຫຼັງໜຶ່ງລົ້ມທະລາຍແລ້ວ, ຍັງເຮັດໃຫ້ເຮືອນປະຊາຊົນ 10 ຫຼັງທີ່ຢູ່ມໍ່ຫັ້ນຖືກທຳລາຍໃນລະດັບຕ່າງກັນ, ຂຸມລະເບີດເລິກ 70 ຊັງຕີແມັດ, ຝ່າຍຕຳຫຼວດວິນິໄສໃນເບື້ອງຕົ້ນວ່າແມ່ນໝື້ລະເບີດແຮງ. ຂ່າວແຈ້ງອີກວ່າ, ຜູ້ເສຍຊີວິດສອງຄົນລ້ວນແຕ່ແມ່ນປະຊາຊົນໃນເມືອງນີ້.
|
|
