|
|
 |
| (GMT+08:00)
2007-08-13 12:05:24
|
 |
|
ທ່ານມູຊາຫວັງໃຫ້ສະຫະປະຊາຊາດເສີມຂະຫຍາຍບົດບາດອັນຕັ້ງໜ້າໃນບັນຫາອີຣັກ
cri
Author: mo
ຕາມຂ່າວCRI: ວັນທີ 12 ສິງຫານີ້, ທ່ານອາມ ມູຊາ ເລຂາທິການໃຫຍ່ສັນນິບາດປະເທດອາລັບໄດ້ອອກຖະແຫຼງການ, ຫວັງໃຫ້ສະຫະປະຊາຊາດເສີມຂະຫຍາຍບົດບາດສຳຄັນໃນບັນຫາອີຣັກ, ເພື່ອຊ່ອຍອີຣັກບັນລຸຄວາມປອງດອງກັນຢູ່ພາຍໃນ.
ໃນຖະແຫຼງການຂອງທ່ານມູຊາຂຽນວ່າ, ສະຫະປະຊາຊາດຊຸກຍູ້ໃຫ້ອີຣັກບັນລຸຄວາມປອງດອງກັນ, ນີ້ຈະຊ່ອຍອີຣັກພົ້ນອອກຈາກການຜິດຖຽງກັນລະຫວ່າງນິກາຍສາສະໜາຕ່າງໆແລະການປະທະກັນຢູ່ພາຍໃນ. ພ້ອມກັນນັ້ນ, ທ່ານກ່າວວ່າ, ສະຖານະການຄວາມປອດໄພຂອງອີຣັກເຮັດໃຫ້ຄົນວິຕົກກັງວົນຫຼາຍ, ສິ່ງສຳຄັນກວ່າໝູ່ໃນປັດຈຸບັນແມ່ນຊ່ອຍປະຊາຊົນອີຣັກພົ້ນອອກຈາກຄວາມທຸກຍາກ, ຫາກບໍ່ແມ່ນຮັບປະກັນຄວາມປອດໄພຂອງກອງທະຫານນາໆຊາດຢູ່ອີຣັກ.
ທ່ານມູຊາກ່າວວ່າ, ປະຊາຄົມໂລກໄດ້ມີຄວາມເຫັນເປັນເອກະສັນກັນໃນບັນຫາບັນລຸຄວາມປອດໄພແລະສະຖຽນລະພາບຂອງອີຣັກ, ສັນນິບາດປະເທດອາລັບແລະສະຫະປະຊາຊາດຈະປະສານສົມທົບກັນຕໍ່ໄປກ່ຽວກັບອະນາຄົດຂອງອີຣັກ.
ວັນທີ 10 ສິງຫານີ້, ສະພາຄວາມໝັ້ນຄົງສະຫະປະຊາຊາດໄດ້ຜ່ານມະຕິເລກທີ 1770, ຕົກລົງເປີດກວ້າງຂອບເຂດສິດທີ່ມອບໃຫ້ຄະນະຊ່ອຍເຫຼືອອີຣັກຂອງສະຫະປະຊາຊາດ, ເພື່ອໃຫ້ສະຫະປະຊາຊາດສາມາດເຂົ້າຮ່ວມການສ້າງສາອີຣັກຫຼັງສົງຄາມນັ້ນຄືນໃໝ່ຫຼາຍກວ່າ. ຫາງສຽງເຫັນວ່າ, ການຜ່ານມະຕິດັ່ງກ່າວໄດ້ເປັນຂີດໝາຍສະແດງໃຫ້ເຫັນວ່າ, ຫຼັກໝັ້ນຂອງສະຫະປະຊາຊາດໃນຫຼາຍປີມານີ້ຄືຮັກສາສະພາບປັດຈຸບັນແລະຍຶດໝັ້ນບໍ່ເປີດກວ້າງການເຂົ້າຮ່ວມການສ້າງສາຄືນໃໝ່ຂອງອີຣັກນັ້ນເລີ່ມໂຍະຍານລົງ.
|
|
|
