|
ຕາມຂ່າວສານຊິນຮວາ:ຕອນຄ່ຳວັນທີ15ສິງຫານີ້,ກຸ່ມໄທຮັກໄທ ເຊິ່ງປະກອບດ້ວຍກຳລັງທີ່ເຕົ້າໂຮມກັນໃໝ່ຂອງພັກໄທຮັກໄທ ອະດີດພັກກຳອຳນາດຂອງໄທໄດ້ຈັດການໂຮມຊຸມນຸມຢ່າງຂະໜາດໃຫຍ່ຢູ່ໃຈກາງນະຄອນບາງກອກ,ຮຽກຮ້ອງໃຫ້ຂວ້ຳບາດຮ່າງລັດຖະທຳມະນູນສະບັບໃໝ່.
ມື້ດຽວກັນ,ທ່ານຈາຕຸຣົນ ສາຍແສງ ຜູ່ນຳກຸ່ມໄທຮັກໄທແລະສະມາຊິກສະພາຜູ້ແທນລາຊະດອນຂອງພັກໄທຮັກໄທ50ຄົນໄດ້ເຂົ້າຮ່ວມການໂຮມຊຸມນຸມດັ່ງກ່າວ.ມີປະມານ1ໝື່ນກວ່າຄົນໄດ້ເຂົ້າຮ່ວມກິດຈະກຳຂອງມື້ດຽວກັນ.
ນີ້ແມ່ນການໂຮມຊຸມນຸມເທື່ອທຳອິດທີ່ກຸ່ມໄທຮັກໄທຈັດຂຶ້ນ,ນັບແຕ່ພັກໄທຮັກໄທທີ່ທ່ານ ທັກສິນ ຊີນນະວັດ ອະດີດນາຍົກລັດຖະມົນຕີໄທສ້າງຕັ້ງຂຶ້ນຖືກຍຸບໃນທ້າຍເດືອນພຶດສະພາປີນີ້ເປັນຕົ້ນມາ.
|
