|
|
 |
| (GMT+08:00)
2007-08-19 20:41:36
|
 |
|
ຜູ່ນຳພັກຝ່າຍຕ່າງໆຂອງອີຣັກປຶກສາຫາລືກັນເພື່ອແກ້ໄຂວິກິດການການເມືອງ
cri
ຕາມຂ່າວສານຊິນຮວາ,ວັນທີ19ສິງຫານີ້,ເຈົ້າໜ້າທີ່ຜູ່ໜຶ່ງຂອງຫ້ອງການປະທານາທິບໍດີອີຣັກກ່າວວ່າ,ວັນທີ18ສິງຫານີ້,ຜູ່ນຳພັກຝ່າຍການເມືອງຕ່າງໆຂອງອີຣັກໄດ້ຈັດການເຈລະຈາກັນເພື່ອແກ້ໄຂວິກິດການການເມືອງຂອງລັດຖະບານໃນປັດຈຸບັນແລະຊຸກຍູ້ຂະບວນການປອງດອງຊາດ.
ເຈົ້າໜ້າທີ່ຜູ່ນີ້ໄດ້ຢືນຢັນຕໍ່ສື່ມວນຊົນວ່າ,ວັນທີ18ສິງຫານີ້,ທ່ານນູຣີ ອານ ມາລີກີ ນາຍົກລັດຖະມົນຕີ ທ່ານຈາລານ ທາລາບານີ ປະທານາທິບໍດີ ທ່ານທາຣິກ ອານ ຮາຊີມີ ຮອງປະທານາທິບໍດີທີ່ສັງກັດຝ່າຍຊຸ່ນນີ ທ່ານ ອາເດນ ອັບດູນ ມາຮາດີ ຮອງປະທານາທິບໍດີທີ່ສັງກັດຝ່າຍຊີ່ອະແລະທ່ານມາຊູດ ບາຣ໌ ຈານີ ຜູ່ນຳເຂດປົກຄອງຕົນເອງເຄີດພາກເໜືອອີຣັກໄດ້ເຈລະຈາກັນປະມານ90ນາທີ.ຜູ່ນຳ5ທ່ານຈະເຈລະຈາກັນຕໍ່ໄປໃນວັນທີ19ສິງຫານີ້.
ເຈົ້າໜ້າທີ່ຜູ່ນີ້ກ່າວວ່າ,ການເຈລະຈາເທື່ອນີ້ແມ່ນກອງປະຊຸມກະກຽມເພື່ອກອງປະຊຸມສຸດຍອດອີຣັກທີ່ຈະຈັດຂຶ້ນໃນໄວໆນີ້,ຕົ້ນຕໍຫາລືສະພາບການຄືບໜ້າຂອງວຽກງານກະກຽມກອງປະຊຸມສຸດຍອດ.
|
|
|
