|
|
 |
| (GMT+08:00)
2007-08-24 18:21:56
|
 |
|
ກອງປະຊຸມລັດຖະມົນຕີກະຊວງພະລັງງານຂອງອາຊຽນຫາລືມາດຕະການຮັບປະກັນຄວາມປອດໄພໃນການສະຫນອງພະລັງງານ
cri
ຕາມຂ່າວ cri: ວັນທີ 23 ສິງຫານີ້ ກອງປະຊຸມລັດຖະມົນຕີກະຊວງພະລັງງານຂອງອາຊຽນຄັ້ງທີ 25 ທີ່ໄຂຂຶ້ນຢູ່ສິງກະໂປໄດ້ປິດປະຊຸມ.ຫລັງກອງປະຊຸມ, ລັດຖະມົນຕີຂອງ 10 ປະເທດອາຊຽນໄດ້ອອກຖະແຫລງການຮ່ວມເປັນເອກະສັນກັນເຫັນວ່າ, ການນຳໃຊ້ພະລັງງານຢ່າງບັງເກີດຜົນ, ຮັບປະ ກັນຄວາມປອດໄພແລະຄວາມຫມັ້ນຄົງຂອງການສະຫນອງພະລັງງານແລະຫັນກົນໄກພະລັງງານໃຫ້ເຊື່ອມໂຍງເຂົ້າກັນແມ່ນເງື່ອນໄຂສຳຄັນໃນການສ້າງປະຊາຄົມເສດຖະກິດອາຊຽນໃນປີ 2015.
ລັດຖະມົນຕີຂອງປະເທດຕ່າງໆໃນອາຊຽນເຫັນດີຜ່ານຈາກການເປີດກວ້າງຕະຫລາດເຕັກນິກພະລັງງານທີ່ເກີດໃຫມ່ໄດ້ແລະຕະຫລາດຜະລິດຕະພັນພະລັງງານທີ່ນຳໃຊ້ຢ່າງບັງເກີດຜົນ, ມາພັດທະນາພະລັງງານທີ່ເກີດໃຫມ່ໄດ້ຕື່ມອີກ;ປະຕິບັດການຈັດວາງໃຫ້ເປັນລະບຽບການ,ເພື່ອໃຫ້ການສະຫນອງພະລັງງານປອດໄພແລະຫມັ້ນຄົງກວ່າເກົ່າ,ພ້ອມກັນນັ້ນກໍ່ເພີ່ມທະວີການກໍ່ສ້າງພື້ນຖານໂຄງລ່າງຂອງພະລັງງານແລະການຮ່ວມມືດ້ານພະລັງງານໃນພາກພື້ນນີ້.
ລັດຖະມົນຕີບັນດາປະເທດອາຊຽນໄດ້ລົງນາມໃນບົດບັນທຶກຊ່ອຍຈຳກ່ຽວກັບເຄືອຂ່າຍພະລັງງານຂອງອາຊຽນ, ເພື່ອໃຫ້ມີການປະສານງານດີກວ່າເກົ່າໃນເວລາປະຕິບັດໂຄງການຮ່ວມມືດ້ານພະລັງງານຢູ່ໃນພາກພື້ນ.
|
|
|
