|
|
 |
| (GMT+08:00)
2007-08-27 20:47:43
|
 |
|
ວຽກງານວາງແຜນຜັງພັດທະນາຂອງອົງປະກອບຮ່ວມເສດຖະກິດອາຊຽນໄດ້ສຳເລັດແລ້ວ
cri
Author: da
ຕາມຂ່າວສານຊິນຮວາ: ວັນທີ25ສິງຫານີ້ ກອງປະຊຸມລັດຖະມົນຕີກະຊວງເສດຖະກິດອາຊຽນຄັ້ງທີ39ອອກຖະແຫຼງການຊີ້ອອກວ່າ,ວຽກງານວາງແຜນຜັງພັດທະນາຂອງອົງປະກອບຮ່ວມເສດຖະກິດອາຊຽນໄດ້ສຳເລັດແລ້ວ,ແລະຈະຍື່ນໃຫ້ອະນຸມັດໃນກອງປະຊຸມສຸດຍອດອາຊຽນຄັ້ງທີ13ທີ່ຈະຈັດຂຶ້ນຢູ່ສິງກະໂປໃນເດືອນພະຈິກປີນີ້.
ກອງປະຊຸມຄັ້ງນີ້ໄດ້ຈັດຂຶ້ນຢູ່ມາຄາດີ ສູນການທະນາຄານຂອງຟີລິບປິນ.ພາຍຫຼັງກອງປະຊຸມທີ່ດຳເນີນເປັນເວລາສອງມື້ອັດລົງແລ້ວ,ລັດຖະມົນຕີຂອງປະເທດຕ່າງໆໄດ້ອອກຖະແຫຼງການຮ່ວມໂດຍກ່າວວ່າ,ຈຸດປະສົງທີ່ວາງແຜນຜັງພັດທະນາສະບັບນີ້ແມ່ນເພື່ອຮັບປະກັນໃຫ້ສ້າງອາຊຽນເປັນເຂດການຄ້າເສລີກ່ອນປີ2015.
ເນື້ອໃນຕົ້ນຕໍຂອງແຜນຜັງດັ່ງກ່າວລວມທັງມາດຕະການທີ່ກ່ຽວຂ້ອງແລະຕາລາງເວລາປະຕິບັດກ່ຽວກັບການເຊື່ອງໂຍງເສດຖະກິດອາຊຽນເຂົ້າກັນ. ນອກນີ້,ແຜນຜັງຍັງໄດ້ວາງມາດຕະການຕິດຕາມກວດກາທີ່ເປັນລະບົບ,ເພື່ອຮັບປະກັນໃຫ້ປະເທດສະມາຊິກຕ່າງໆເຄົາລົບສັນຍາການຄ້າເສລີທີ່ກ່ຽວຂ້ອງ,ແລະຈະລົງໂທດປະເທດສະມາຊິກທີ່ບໍ່ໄດ້ປະຕິບັດນະໂຍບາຍການຄ້າເສລີຕາມເວລາກຳນົດ.
ທ່ານອົງເຄັງຢົງ ເລຂາທິການໃຫຍ່ອາຊຽນກ່າວວ່າ, ເຖິງວ່າຮ່າງແຜນຜັງຍັງຕ້ອງການຍື່ນໃຫ້ຜູ່ນຳປະເທດສະມາຊິກຕ່າງໆພິຈາລະນາອະນຸມັດກໍຕາມ,ແຕ່ທ່ານເຫັນໄປໃນແງ່ດີຕໍ່ອະນາຄົດຂອງແຜນຜັງສະບັບນີ້.
|
|
|
