|
|
 |
| (GMT+08:00)
2007-09-04 20:46:37
|
 |
|
ນິກາຍຊີອະແລະນິກາຍຊຸນນີຂອງອີຣັກສິ້ນສຸດການເຈລະຈາຢູ່ແຟນລັງ
cri
ຕາມຂ່າວສານຊິນຮວາ,ວັນທີ3ກັນຍານີ້,ການເຈລະຈາລະຫວ່າງນິກາຍຊີອະແລະນິກາຍຊຸນນີຂອງອີຣັກທີ່ດຳເນີນ ຢູ່ແຟນລັງເປັນເວລາ4ມື້ ໄດ້ສິ້ນສຸດລົງ.ສອງຝ່າຍໄດ້ຮັບຮອງຂໍ້ສະເໜີຕ່າງໆແລະຫາລືຕົກລົງກັນຈະສືບຕໍ່ພົບປະເຈລະຈາກັນບົນພື້ນຖານດັ່ງກາວເພື່ອເລີ່ມຕົ້ນການເຈລະຈາທີ່ມີຈຸດປະສົງເພື່ອບັນລຸຄວາມປອງດອງຊາດ.
ອີງຕາມປະກາດແຈ້ງການທີ່ຫ້ອງການແກ້ໄຂວິກິດການປະກາດໃນຕອນຄ່ຳວັນທີ3ກັນຍານີ້,ໃນການເຈລະຈາ,ນິກາຍຊີອະແລະນິກາຍຊຸນນີຂອງອີຣັກໄດ້ວາງຂໍ້ສະເໜີຕ່າງໆເຊິ່ງລວມທັງການໃຊ້ທຸກມາດຕະການທີ່ຈຳເປັນເພື່ອສິ້ນສຸດການເຄື່ອນໄຫວໃຊ້ຄວາມຮຸນແຮງ.
ໃຕ້ການເປັນປະທານຂອງຫ້ອງການແກ້ໄຂວິກິດການຂອງອົງການທີ່ບໍ່ແມ່ນລັດຖະບານທີ່ນຳໂດຍທ່ານມາຣຕີ ອາຮາຕີຊາຣີ ອະດີດປະທານາທິບໍດີແຟນລັງ,ວັນທີ31ສິງຫາແລ້ວນີ້,ຢູ່ທີ່ແຟນລັງ,ຜູ່ແທນຂອງນິກາຍຊີອະແລະນິກາຍຊຸນນີໄດ້ຈັດການເຈລະຈາກ່ຽວກັບການທີ່ຈະແກ້ໄຂບັນຫາການປະທະກັນລະຫວ່າງນິກາຍສາສະໜາຂອງອີຣັກໃນປັດຈຸບັນນັ້ນແນວໃດ?
|
|
|
