|
|
 |
| (GMT+08:00)
2007-09-06 20:35:15
|
 |
|
ບົດລາຍງານສະຫະປະຊາຊາດກ່າວວ່າການຮ່ວມມືພາກພື້ນມີຜົນດີຕໍ່ການພັດທະນາໃນໄລຍະຍາວນານຂອງປະເທດພວມພັດທະນາ
cri
ຕາມຂ່າວCRI,ຕາມບົດລາຍງານປະຈຳປີກ່ຽວກັບການຄ້າແລະການພັດທະນາທີ່ກອງປະຊຸມການຄ້າແລະການພັດທະນາສະຫະປະຊາຊາດປະກາດໃນວັນທີ5ກັນຍານີ້, ພາຍໃຕ້ທ່ວງທ່າລວມທີ່ເສດຖະກິດໂລກາພິວັດ,ປະເທດພວມພັດທະນາຮ່ວມກັນຊຸກຍູ້ການຮ່ວມມືພາກພື້ນແລະການເຊື່ອມໂຍງເຂົ້າກັນນັ້ນຈະມີຜົນດີຕໍ່ເສດຖະກິດພັດທະນາຢ່າງຍາວນານ.
ບົດລາຍງານຊີ້ອອກວ່າ,ການຮ່ວມມືລະຫວ່າງປະເທດພວມພັດທະນາໃນພາກພື້ນສາມາດສະໜັບສະໜູນແຜນການພັດທະນາຂອງປະເທດ,ຕາບຈູນຊ່ອງຫວ່າງດ້ານການຄຸ້ມຄອງເສດຖະກິດທົ່ວໂລກ.ເມື່ອເບິ່ງຈາກໄລຍະຍາວໄກແລ້ວເຫັນວ່າ,ການເຊື່ອມໂຍງເຂົ້າກັນຂອງພາກພື້ນຈະມີຜົນດີຕໍ່ການຊ່ວຍເຫຼືອປະເທດຕ່າງໆຍົກກຳລັງຕົວຈິງດ້ານເສດຖະກິດໃຫ້ສູງຂຶ້ນ,ບົດລາຍງານເຫັນວ່າ,ການຮ່ວມມືລະຫວ່າງປະເທດພວມພັດທະນາໃນພາກພື້ນບໍ່ຄວນຈຳກັດໃນຂົງເຂດການຄ້າເທົ່ານັ້ນ,ປະເທດພວມພັດທະນາຍັງຄວນໃຊ້ການເຄື່ອນໄຫວຢ່າງເປັນເອກະພາບກັນໃນຂົງເຂດເສດຖະກິດມະຫາພາກ,ການທະນາຄານ,ພື້ນຖານໂຄງລ່າງແລະນະໂຍບາຍອຸດສາຫະກຳເປັນຕົ້ນ.
ບົດລາຍງານຍັງສະເໜີໃຫ້ປະເທດພວມພັດທະນາຢ່າເຊັນສັນຍາການຄ້າເສລີສອງຝ່າຍຫຼືພາກພື້ນກັບປະເທດທີ່ພັດທະນາແລ້ວຢ່າງຫຼັບຫູຫຼັບຕາ,ຫາກຄວນຕັ້ງໜ້າຊອກຄົ້ນການດຳເນີນການຮ່ວມມືໃນຫຼາຍຂົງເຂດກັບຄູ່ຮ່ວມມືໃນພາກພື້ນຕົນແລະຄູ່ຮ່ວມມືທີ່ມີລະດັບການພັດທະນາເທົ່າທຽມກັນ.
|
|
|
