|
|
 |
| (GMT+08:00)
2007-09-16 20:31:30
|
 |
|
ການເຕີບໂຕຂອງເສດຖະກິດຈີນຊັກນຳເສດຖະກິດໂລກເຕີບໂຕ
cri
ຕາມຂ່າວCRI,ໃນເວລາກ່າວປາຖະກະຖາໃນກອງປະຊຸມປຶກສາຫາລືຂອງກອງປະຊຸມນັກທຸລະກິດຊາວຈີນທົ່ວໂລກຄັ້ງທີ9ທີ່ຈັດຂຶ້ນຢູ່ເມືອງໂຄເບຂອງຍີ່ປຸ່ນໃນວັນທີ16ກັນຍານີ້,ທ່ານຢາງເຈິ້ນນິງ ນັກຟີຊິກສາດທີ່ມີຊື່ສຽງຂອງໂລກ,ຜູ່ໄດ້ຮັບລາງວັນໂນແບນກ່າວວ່າການເຕີບໂຕຂອງເສດຖະກິດຈີນຊັກນຳເສດຖະກິດໂລກເຕີບໂຕ.
ໃນເວລາກ່າວປາຖະກະຖາທີ່ພາດຫົວເລື່ອງວ່າ,ການກຶກກອງຕໍ່GDPທົ່ວໂລກເພີ່ມຂຶ້ນຢ່າງມະຫາສານ,ທ່ານຢາງເຈິ້ນນິງກ່າວວ່າ,ໃນຊຸມປີມໍ່ໆມານີ້,ລວມຍອດຜະລິດຕະພັນພາຍໃນຫຼືGDPຂອງປະເທດຕ່າງໆໃນໂລກລ້ວນແຕ່ໄດ້ເພີ່ມຂຶ້ນຢ່າງວ່ອງໄວ,ແຕ່ວ່າການເພີ່ມຂຶ້ນຢ່າງວ່ອງໄວໃນ20ກວ່າປີລຽນຕິດຄືຈີນແມ່ນບໍ່ເຄີຍມີມາກ່ອນໃນປະຫວັດສາດ,ການເຕີບໂຕຂອງເສດຖະກິດຈີນໄດ້ຊັກນຳເສດຖະກິດໂລກເຕີບໂຕ,ນີ້ແມ່ນເລື່ອງຈິງທີ່ໂຕ້ຖຽງກັນບໍ່ໄດ້.
ທ່ານຢາງເຈິ້ນນິງກ່າວວ່າ,ຄວາມດຸໝັ່ນຂະຫຍັນພຽນແລະຄວາມອົດທົນຂອງຄົນຈີນພ້ອມດ້ວຍລະດັບວັດທະນະທຳຂອງຄົນຈີນໄດ້ຍົກສູງຂຶ້ນຢ່າງບໍ່ຢຸດຢັ້ງແມ່ນສາເຫດສຳຄັນທີ່ຊຸກຍູ້ໃຫ້ເສດຖະກິດຈີນເຕີບໂຕຂຶ້ນ.
|
|
|
