|
ຍີ່ປຸ່ນແລະອາເມລິກາກ່າວວ່າຈະເພີ່ມທະວີການຮ່ວມມືໃນການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີ
cri
ຕາມຂ່າວCRI,ຕອນເຊົ້າວັນທີ26ກັນຍານີ້,ຢູ່ທີ່ໂຕກຽວ,ທ່ານເຄນິຊີໂລ ຊາຊາອິ ຫົວໜ້າກົມອາຊີໂອຊຽນນີກະຊວງການຕ່າງປະເທດຍີ່ປຸ່ນ,ຫົວໜ້າຄະນະຜູ່ແທນຍີ່ປຸ່ນທີ່ເຂົ້າຮ່ວມການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີໄດ້ເຈລະຈາກັບທ່ານຄຼິສໂຕເຟີ ຮິວ ຜູ່ຊ່ວຍລັດຖະມົນຕີການຕ່າງປະເທດອາເມລິກາ,ຫົວໜ້າຄະນະຜູ່ແທນອາເມລິກາທີ່ເຂົ້າຮ່ວມການເຈລະຈາຫົກຝ່າຍ,ສອງຝ່າຍກ່າວວ່າຈະເພີ່ມທະວີການຮ່ວມມືໃນການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີ.
ໃນການເຈລະຈາ,ທ່ານເຄນິຊີໂຣ ຊາຊາອິ ໄດ້ຮຽກຮ້ອງໃຫ້ຝ່າຍອາເມລິກາໃຫ້ການຮ່ວມມືໃນການຊຸກຍູ້ໃຫ້ການພົວພັນລະຫວ່າງຍີ່ປຸ່ນກັບສປປເກົາຫຼີໄດ້ຮັບຄວາມຄືບໜ້າ.ທ່ານຮິວກ່າວວ່າ,ຖ້າວ່າການພົວພັນລະຫວ່າງຍີ່ປຸ່ນກັບສປປເກົາຫຼີບໍ່ໄດ້ຮັບການປັບປຸງໃຫ້ດີຂຶ້ນ,ການເຈລະຈາຫົກຝ່າຍກໍບໍ່ສາມາດບັນລຸເປົ້າໝາຍໄດ້.ສອງຝ່າຍກ່າວວ່າ, ຈະເພີ່ມທະວີການຮ່ວມມືໃນດ້ານເພີ່ມປະສິດທິຜົນຂອງມາດຕະການໄລຍະຕໍ່ໄປໂດຍຖືການເຮັດໃຫ້ສິ່ງກໍ່ສ້າງນີວເຄຼຍຂອງສປປເກົາຫຼີບໍ່ສາມາດຜະລິດອາວຸດໄດ້.
ມື້ດຽວກັນ,ໃນເວລາມາຮອດສະໜາມບິນສາກົນນະຄອນຫຼວງປັກກິ່ງ,ທ່ານໂລຊິວຄົຟ ຫົວໜ້າຄະນະຜູ່ແທນຣັດເຊຍທີ່ເຂົ້າຮ່ວມການເຈລະຈາຫົກຝ່າຍກ່າວວ່າ,ການເຈລະຈາຫົກຝ່າຍໄດ້ຮັບໝາກຜົນຈຳນວນໜຶ່ງແລ້ວ,ຝ່າຍຕ່າງໆຍັງຄວນສືບຕໍ່ທຳຄວາມພະຍາຍາມ,ເຮັດໃຫ້ການເຈລະຈາໄດ້ຮັບຄວາມຄືບໜ້າໃໝ່.
|
|
