|
|
 |
| (GMT+08:00)
2007-09-26 18:22:39
|
 |
|
ລັດຖະມົນຕີກະຊວງມະຫາດໄທຂອງໄທປະກາດລາອອກຈາກຕຳແໜ່ງ
cri
ຕາມຂ່າວCRI,ວັນທີ26ກັນຍານີ້,ຢູ່ທີ່ບາງກອກ,ທ່ານອາຣີວົງອາຣະຍະ ລັດຖະມົນຕີກະຊວງມະຫາດໄທຂອງໄທໄດ້ປະກາດລາອອກຈາກຕຳແໜ່ງ,ກາຍເປັນລັດຖະມົນຕີຜູ່ທີສາມທີ່ປະກາດລາອອກຈາກຕຳແໜ່ງໃນໄລຍະມໍ່ໆມານີ້.
ໃນຕອນເຊົ້າມື້ດຽວກັນ,ທ່ານອາຣິວົງອາຣະຍະໄດ້ຈັດງານຖະແຫຼງຂ່າວໃນບ້ານຂອງຕົນທີ່ຢູ່ບາງກອກໂດຍປະກາດວ່າ,ທ່ານຈະຍື່ນໃບຮ້ອງຂໍລາອອກຈາກຕຳແໜ່ງໃຫ້ພົນເອກສຸລະຍຸດຈຸລານົນ ນາຍົກລັດຖະມົນຕີໄທໃນວັນທີ1ຕຸລາປີນີ້.ພ້ອມກັນນັ້ນ,ທ່ານກ່າວວ່າ,ຍິນດີຫາບແບກໜ້າທີ່ຮັບຜິດຊອບຕໍ່ບັນຫາທີ່ກ່ຽວຂ້ອງ.
ວັນທີ20ກັນຍານີ້,ຄະນະກຳມະການຕ້ານການສໍ້ລາດບັງຫຼວງຂອງໄທໄດ້ປະກາດວ່າ,ເມື່ອສຳຫຼວດກວດກາແລ້ວເຫັນວ່າ,ທ່ານອາຣີວົງອາຣະຍະລັດຖະມົນຕີກະຊວງມະຫາດໄທ,ທ່ານສິດທິໄຊໂພຄາຍະອຸດົມ ລັດຖະມົນຕີກະຊວງເຕັກໂນໂຊຢີສາລະສົນເທດແລະການສື່ສານແລະທ່ານນາງໂອຣະນຸດໂອສະຖານຸເຄາະ ລັດຖະມົນຕີຊ່ວຍວ່າການກະຊວງການຄ້າຂອງລັດຖະບານໄທຊຸດປະຈຸບັນໄດ້ຖືຫຸ້ນສ່ວນຫຼາຍກວ່າ5%ໃນບໍລິສັດເອກະຊົນ,ນີ້ໄດ້ລະເມີດຂໍ້ກຳນົດທີ່ກ່ຽວຂ້ອງໃນກົດໝາຍຕ້ານການສໍ້ລາດບັງຫຼວງ.ທ່ານສິດທິໄຊແລະທ່ານນາງໂອຣະນຸດໄດ້ປະກາດລາອອກຈາກຕຳແໜ່ງແລ້ວ.
|
|
|
