|
|
 |
| (GMT+08:00)
2007-10-03 18:14:30
|
 |
|
ການເຈລະຈາຮອບສອງຂອງການພົບປະຂັ້ນສຸດຍອດລະຫວ່າງສ.ເກົາຫລີກັບສປປເກົາຫລີສິ້ນສຸດລົງ
cri
ຕາມຂ່າວ cri:ຕອນບ່າຍວັນທີ 3 ຕຸລານີ້ ທ່ານກິມເຈີນອິ່ງ ຜູ່ນຳສູງສຸດຂອງສາທາລະນະລັດປະຊາຊົນປະຊາທິປະໄຕເກົາຫລີກັບທ່ານໂຣໂມຮຸນ ປະທານາທິບໍດີສາທາລະນະລັດເກົາຫລີໄດ້ຈັດການເຈລະຈາຮອບສອງຂອງການພົບປະຂັ້ນສຸດຍອດລະຫວ່າງສອງຝ່າຍຢູ່ຫໍຮັບແຂກເມືອງບັກຮວາວົນທີ່ພຽງຢາງ.
ໃນການເຈລະຈາຮອບສອງ, ທ່ານກິມເຈິນອິ່ງເຄີຍສະເຫນີໃຫ້ທ່ານໂລໂມຮຸນແກ່ຍາວເວລາຢ້ຽມຢາມສປປເກົາຫລີໄປອີກມື້ຫນຶ່ງ.ທ່ານຊົນໂຮເຊັນ ໂຄສົກທຳນຽບປະທານາທິບໍດີສາທາລະນະລັດເກົາຫລີທີ່ຕິດຕາມທ່ານໂຣໂມຮຸນໄປຢ້ຽມຢາມນັ້ນກ່າວວ່າ,ການເຈລະຈາຮອບສອງໄດ້ດຳເນີນສອງຊົ່ວໂມງ,ໃນເວລາສິ້ນສຸດການເຈລະຈາ, ປະມຸກລັດສອງປະເທດຕົກລົງວ່າ, ຜູ່ນຳສອງຝ່າຍຈະອອກຖະແຫລງການຮ່ວມກ່ຽວກັບຫມາກຜົນຂອງການພົບປະຄັ້ງນີ້ໃນຕອນເຊົ້າວັນທີ 4 ຕຸລານີ້, ແລະສິ້ນສຸດການພົບປະຂັ້ນສຸດຍອດເທື່ອນີ້ຕາມແຜນການເດີມ.ທ່ານໂລໂມຮຸນຈະກັບຄືນສ.ເກົາຫລີໃນວັນທີ 4.
ທ່ານຊົນໂຮເຊັນກ່າວວ່າ, ໃນເວລາສິ້ນສຸດການເຈລະຈາ,ທ່ານກິມເຈີນ ອິ່ງກ່າວວ່າ,ສອງຝ່າຍໄດ້ແລກປ່ຽນຄວາມເຫັນຢ່າງເຕັມສ່ວນ, ສະນັ້ນບໍ່ຈຳເປັນແກ່ຍາວເວລາການເຈລະຈາອີກ.ທ່ານກິມເຈີນອິ່ງຈະຈັດງານລ້ຽງອາຫານທ່ຽງເພື່ອສົ່ງທ່ານໂລໂມຮຸນພ້ອມດ້ວຍຄະນະໃນວັນທີ 4 ຕຸລາ.
ການເຈລະຈາຮອບທຳອິດໃນການພົບປະຂັ້ນສຸດຍອດລະຫວ່າງສ.ເກົາຫລີກັບສປປເກົາຫລີທີ່ຈັດຂຶ້ນໃນຕອນເຊົ້າວັນທີ 3 ຕຸລານີ້ດຳເນີນສອງຊົ່ວໂມງປາຍ,ສອງຝ່າຍໄດ້ແລກປ່ຽນຄວາມເຫັນຢ່າງເລິກເຊິ່ງກ່ຽວກັບການພົວພັນລະຫວ່າງເຫນືອໃຕ້.
|
|
|
