ຕາມ​ຂ່າວສານ​ຊີ​ນຮວາ: ​ເຈົ້າໜ້າ​ທີ່​ມຽນມ້າ​ປະກາດ​ວ່າ, ທ່ານ​ໂຊ​ວິນ ນາຍົກລັດຖະມົນຕີມຽນມ້າ​ເຖີງ​ແກ່​ກຳ​ຢູ່​ໂຮງໝໍ​ກອງທັບ​ທີ 2 ມິນ​ກາ​ລາ​ດົນ ຂອງ​ຢາງ​ກຸ່ງໃນ​ເວລາ 17 ​ໂມງ 30 ນາທີ​ຂອງ​ວັນ​ທີ 12 ຕຸລາ​ນີ້​ເວລາ​ທ້ອງ​ຖິ່ນ​ຍ້ອນ​ເປັນ​ພະຍາດ. ອາຍຸ​ 58 ປີ.
​
ເດືອນ​ມີນາ​ປີນີ້, ​ໃນ​ເວລາ​ກວດ​ສຸຂະພາບ​ຢູ່​ສິງກະ​ໂປ, ທ່ານ​ໂຊ​ວິນ​ຖືກ​ປົ່ງ​ມະຕິ​ວ່າ​​ເປັນພະຍາດມະ​ເຮັງ​ເລືອດ. ທ່ານ​ໄດ້​ປົວ​ພະຍາດຫຼາຍ​ເດືອນ​ຢູ່​ໂຮງ​ໝໍ​ສິງກະ​ໂປ​ແຫ່ງ​ນີ້​ແລ້ວ​ກັບ​​ເມືອ​ຮອດ​ຢາງ​ກຸ່ງ.

ທ່ານ​ໂຊ​ວິນ​ດຳ​ລົງ​ຕຳ​ແໜ່ງ​ນາຍົກລັດຖະມົນຕີພາຍຫຼັງລັດຖະບານ​ມຽນມ້າ​ປະກອບ​ຄືນ​ໃໝ່​ໃນ​ເດືອນ​ຕຸລາ​ປີ 2004.

ວັນ​ທີ 13 ຕຸລາ, ທ່ານ​ເວີນ​ເຈຍ​ປາວ ນາຍົກລັດຖະມົນຕີຈີນ​ໄດ້​ສົ່ງ​ໂທລະ​ເລກ​ໄວ້ອາ​ໄລ​ໄປ​ຍັງ​ທ່ານ​ເດັນ​ເຊັງ ຜູ້ວ່າການ​ແທນນາ​ຍົກ​ລັດຖະມົນຕີ ​ເລຂາທິການ​ໃຫຍ່​ຜູ້​ທີ​ໜຶ່ງ​ຂອງ​ຄະນະ​ກຳມະການ​ສັນຕິພາບ​ແລະ​ການ​ພັດທະນາ​ແຫ່ງ​ຊາດ​ມຽນມ້າ.