|
ອະດີດຜູ້ບັນຊາການສູງສຸດຂອງກອງທະຫານອາເມລິກາປະຈຳອີຣັກຕິຕຽນແຜນການເພີ່ມທະຫານຂອງທ່ານບຸສ
cri
Author: MO
ຕາມຂ່າວສານຊີນຮວາ: ຫວ່າງມໍ່ໆນີ້, ທ່ານລີຄາໂດ ຊານເຊັສ ອະດີດຜູ້ບັນຊາການສູງສຸດຂອງກອງທະຫານອາເມລິກາປະຈຳອີຣັກກ່າວວ່າ, ແຜນການເພີ່ມທະຫານໄປອີຣັກຂອງລັດຖະບານອາເມລິກາແມ່ນຕຸບໝົດບາດດຽວໃນຍາມສີ້ນຫວັງ, ຍ້ອນການວິນິໃສຜິດພາດທາງການເມືອງ, ສົງຄາມທີ່ຍືດເຍືອຫຼາຍປີຄັ້ງນີ້ເໝືອນດັ່ງຄວາມຝັນຮ້າຍ.
ວັນທີ 12 ຕຸລານີ້, ໃນເວລາເຂົ້າຮ່ວມກອງປະຊຸມເທື່ອໜຶ່ງທີ່ຈັດຂຶ້ນຢູ່ເມືອງອາລິງຕັນລັດວິກີເນຍ, ທ່ານຊານເຊັສກ່າວວ່າ, ສະຖານະການອີຣັກຮ້າຍແຮງແນວນີ້ ສາເຫດຕົ້ນຕໍແມ່ນຍ້ອນລັດຖະບານອາເມລິກາທຳການວິນິໃສການເມືອງທີ່ຜິດພາດພາຍຫຼັງຊາດາມ ອະດີດປະທານາທິບໍດີອີຣັກລົ້ມສະຫຼາຍ, ໃນນັ້ນລວມທັງການຍົກເລີກກອງທັບອີຣັກ, ບໍ່ສາມາດສາມັກຄີຜູ້ນຳກົກເຫຼົ່າແລະປະກອບສ້າງລັດຖະບານພົນລະເຮືອນອີຣັກຢ່າງທັນການເປັນຕົ້ນ.
|
|
