|
|
 |
| (GMT+08:00)
2007-10-17 15:05:48
|
|
ມຽນມາຈະໃຊ້ຊັບພະຍາກອນທີ່ດິນຢ່າງເຕັມທີ່ເພື່ອພັດທະນາກະສິກຳ
cri
Author: da
ຕາມຂ່າວສານຊິນຮວາ: ວັນທີ16ຕຸລານີ້ ໃນການເຄື່ອນໄຫວໃນວັນອາຫານໂລກທີ່ຈັດຂຶ້ນຢູ່ເນປີດໍ ນະຄອນຫຼວງໃໝ່ຂອງມຽນມາ ທ່ານໄທ້ອູ່ ລັດຖະມົນຕີວ່າການກະຊວງຊົນລະປະທານມຽນມາໄດ້ກ່າວວ່າ,ມຽນມາມີຊັບພະຍາກອນອັນອຸດົມສົມບູນ,ຕ້ອງການສືບຕໍ່ອອກແຮງພັດທະນາກະສິກຳ ເພື່ອຄວາມປອດໄພທາງອາຫານຂອງໂລກ.
ທ່ານໄທ້ອູ່ກ່າວວ່າ,ເນື້ອທີ່ດິນປູກຝັງຂອງມຽນມາມີ20ລ້ານເຮັກຕາ,ໃນນັ້ນມີ8ລ້ານ1ແສນເຮັກຕາແມ່ນປູກເຂົ້ານາ,ມີ7ລ້ານເຮັກຕາບໍ່ໄດ້ປູກຫຍັງ.ລັດຖະບານພວມວາງແຜນສົ່ງເສີມໃຫ້ນັກທຸລະກິດເອກະຊົນເຂົ້າຮ່ວມການພັດທະນາກະສິກຳ,ບຸກເບີກເນື້ອທີ່ປູກຝັງໃຫ້ເພີ່ມຂຶ້ນພາຍໃນເວລາສັ້ນ.ທ່ານກ່າວວ່າ,ມຽນມາພວມໃຊ້ມາດຕະການເພື່ອຍົກລະດັບການຜະລິດອາຫານໃຫ້ສູງຂຶ້ນ,ພ້ອມກັນນັ້ນກໍພະຍາຍາມປັບປຸງສະພາບການເສດຖະກິດແລະສັງຄົມຂອງຊາວກະສິກອນໃຫ້ດີຂຶ້ນ.
|
|
|
