|
ເຈົ້າໜ້າທີ່ອິນໂດເນເຊຍຮຽກຮ້ອງໃຫ້ປະຊາຊົນທີ່ຢູ່ໃກ້ພູໄຟຄຼູດຖອນອອກຈາກບ່ອນນັ້ນໂດຍໄວ
cri
Author: cai
ຕາມຂ່າວສານຊີນຮວາ:ວັນທີ 16 ຕຸລານີ້,ສູນຕິດຕາມພູໄຟຂອງອິນໂດເນເຊຍປະກາດການເຕືອນໄພວ່າ,ພູໄຟຄຼູດທີ່ຕັ້ງຢູ່ແຂວງຈາວາຕາເວັນອອກອາດຈະລະເບີດໃນທຸກເວລາ,ປະຊາຊົນທີ່ຢູ່ໃກ້ພູໄຟນີ້ຄວນຍ້າຍໄປຢູ່ເຂດປອດໄພໂດຍໄວ.
ພູໄຟຄຼູດຕັ້ງຢູ່ບ່ອນຈາກຢາກາກຕາ ນະຄອນຫຼວງອິນໂດເນເຊຍໄປທິດຕາເວັນອອກປະມານ 620 ກິໂລແມັດ,ຖືກຖືເປັນພູໄຟແຫ່ງໜຶ່ງທີ່ອັນຕະລາຍກວ່າໝູ່ຂອງອິນໂດເນເຊຍ.ໃນຫຼາຍມື້ລຽນຕິດມານີ້,ພູໄຟໜ່ວຍນີ້ຢູ່ໃນສະພາບເຄື່ອນໄຫວເລື້ອຍໆໂດຍຕະຫຼອດ,ພາກສ່ວນທີ່ກ່ຽວຂ້ອງໄດ້ຍົກການເຕືອນໄພເຖິງລະດັບສູງສຸດ.
ການລະເບີດທີ່ໜັກໜ່ວງກວ່າໝູ່ຂອງພູໄຟຄຼູດແມ່ນເກີດຂຶ້ນເມື່ອປີ 1919,ພາໃຫ້ປະມານ 5500 ຄົນເສຍຊີວິດ.
|
|
