|
|
 |
| (GMT+08:00)
2007-10-22 15:31:48
|
 |
|
ທະນາຄານໂລກແລະຄະນະກຳມະການຮ່ວມພັດທະນາຂອງIMFກ່າວວ່າ: ການເງິນປັ່ນປ່ວນແມ່ນມີຜົນເລັກໜ້ອຍຕໍ່ປະເທດພວມພັດທະນາ
cri
Author: mo
ຕາມຂ່າວສານຊີນຮວາ: ວັນທີ 21 ຕຸລານີ້, ທະນາຄານໂລກແລະຄະນະກຳມະການຮ່ວມພັດທະນາຂອງກອງທຶນສາກົນຫຼືIMFກ່າວວ່າ: ຕະຫຼາດການເງິນເກີດການປັ່ນປ່ວນໃນຫວ່າງມໍ່ໆນີ້ມີຜົນກະທົບເລັກໜ້ອຍຕໍ່ປະເທດພວມພັດທະນາ, ທ່ວງທ່າເສດຖະກິດເຕີບໂຕໃນໂລກຍັງແຂງແຮງຄືເກົ່າ.
ໃນປະກາດແຈ້ງການທີ່ຄະນະກຳມະການດັ່ງກ່າວປະກາດຫຼັງກອງປະຊຸມຄັ້ງທີ 76 ໄດ້ຂຽນວ່າ, ຄະນະກຳມະການການພັດທະນາຮຽກຮ້ອງໃຫ້ລັດຖະບານຂອງປະເທດຕ່າງໆສືບຕໍ່ປະຕິບັດນະໂຍບາຍປັບໃຫ້ເສດຖະກິດທີ່ທົນຕໍ່ສະພາບດັ່ງກ່າວ, ແລະຮຽກຮ້ອງໃຫ້ປະເທດຜູ້ບໍລິຈາກທີ່ຍັງບໍ່ທັນປະຕິບັດຕາມຄຳໝັ້ນສັນຍານັ້ນຈົ່ງທຳຄວາມພະຍາຍາມເຮັດໃຫ້ຄຳໝັ້ນສັນຍາໃນດ້ານເງິນທຶນ ໜີ້ສິນແລະການອະນຸຍາດໃຫ້ເຂົ້າຕະຫຼາດບັນລຸຜົນເປັນຈິງ, ແລະຍົກລະດັບການຊ່ອຍເຫຼືອພັດທະນາຂອງທາງການຂຶ້ນຮອດ 0.7% ຂອງຍອດລາຍຮັບຂອງປະຊາຊົນປະເທດຕ່າງໆທີ່ສະຫະປະຊາຊາດກຳນົດ.
ປະກາດແຈ້ງການຂຽນວ່າ, ຄະນະກຳມະການພັດທະນາສະໜັບສະໜູນຝ່າຍຕ່າງໆຢ່າງແຂງແຮງໃຫ້ທຳຄວາມພະຍາຍາມຕື່ມອີກ, ເພື່ອກ້າວເຖີງຂັ້ນເປັນເອກະສັນກັນໃນການເຈລະຈາການຄ້າທົ່ວໂລກຮອບໂດຮາ. ນອກນັ້ນ, ຄະນະກຳມະການດັ່ງກ່າວສະແດງຄວາມຊົມເຊີຍຕໍ່ການຄືບໜ້າໃນການປະຕິບັດແຜນການຂອບລົງທຶນພະລັງງານສະອາດຂອງທະນາຄານໂລກ.
|
|
|
