|
ລັດຖະບານຟີລິບປິນກ່າວວ່າ,ໃນທ້າຍປີນີ້ມີຫວັງຟື້ນຟູການເຈລະຈາສັນຕິພາບຢ່າງເປັນທາງການກັບກອງປະກອບອາວຸດຕ້ານລັດຖະບານ
cri
Author: da
ຕາມຂ່າວສານຊິນຮວາ: ວັນທີ25ຕຸລານີ້ ຝ່າຍທາງການຟີລິບປິນກ່າວວ່າ, ໃນທ້າຍປີນີ້ ລັດຖະບານກັບ"ແນວທາງປົດປ່ອຍອິສຣາມໂມໂຣ"ຊຶ່ງເປັນກອງປະກອບອາວຸດຕ້ານລັດຖະບານຢູ່ພາກໃຕ້ ມີຫວັງຟື້ນຟູການເຈລະຈາສັນຕິພາບທີ່ຂາດສະບັ້ນໜຶ່ງປີກວ່າ,ເຊິ່ງຈະໄດ້ປູທາງໃຫ້ແກ່ພາກໃຕ້ຟີລິບປິນຫຼຸດພົ້ນອອກຈາກຄວາມວຸ້ນວາຍຈາກສົງຄາມແລະບັນລຸການພັດທະນາຢ່າງມີສັນຕິພາບໃນສຸດທ້າຍ.
ທ່ານດູເລຊາ ທີ່ປຶກສາຂະບວນວິວັດສັນຕິພາບທຳນຽບປະທານາທິບໍດີຟີລິບປິນກ່າວວ່າ,ໃນການປຶກສາຫາລືບໍ່ເປັນທາງການໃນຫວ່າງມໍ່ໆນີ້ ເຈົ້າໜ້າທີ່ເຈລະຈາສັນຕິພາບຂອງລັດຖະບານກັບບຸກຄົນກ່ຽວຂ້ອງຂອງອົງການ"ໂມໂຣອິສຣາມ"ໄດ້ກ້າວເຖິງຂັ້ນຕົກລົງກັນສຳຄັນແລະປະກາດຖະແຫຼງການຮ່ວມ,ເຕັມໄປດ້ວຍຄວາມໝັ້ນໃຈຕໍ່ສອງຝ່າຍຈັດການເຈລະຈາສັນຕິພາບຢ່າງເປັນທາງການໃນທ້າຍປີນີ້.
ຖະແຫຼງການຮ່ວມສະບັບສຳຮອງທີ່ນັກຂ່າວໄດ້ຮັບຈາກຫ້ອງການຂອງທ່ານດູເລຊາຂຽນວ່າ,ສອງຝ່າຍຮູ້ສຶກພໍໃຈທີ່ສຸດຕໍ່ການຄືບໜ້າທີ່ການປຶກສາຫາລືຮອບນີ້ໄດ້ຮັບໃນບັນຫາຂໍກະແຈຕ່າງໆເຊັ່ນ"ບໍລິເວນເຂດປົກຄອງຕົນເອງ"ເປັນຕົ້ນ,ຂະບວນການເຈລະຈາສັນຕິ ພາບທີ່ຢຸດເຊົາມາໜຶ່ງປີໄດ້ກັບຄືນສູ່ໂຄຈອນປົກກະຕິອີກແລ້ວ.
|
|
