|
|
 |
| (GMT+08:00)
2007-10-29 17:48:36
|
 |
|
ສິງກະໂປຈະເສີມສ້າງພື້ນຖານໂຄງລ່າງດ້ານຄົມມະນາຄົມ
cri
ຕາມຂ່າວCRI,ໃນພິທີໄຂກອງປະຊຸມເຈົ້າໜ້າທີ່ອາວຸໂສດ້ານຄົມມະນາຄົມຄັ້ງທີ24ທີ່ຈັດຂຶ້ນຢູ່ສິງກະໂປໃນວັນທີ29ຕຸລານີ້,ທ່ານໄລມອນດ໌ລິມ ລັດຖະມົນຕີວ່າການກະຊວງຄົມມະນາຄົມທັງເປັນລັດຖະມົນຕີທີສອງຂອງກະຊວງການຕ່າງປະເທດສິງກະໂປກ່າວວ່າ,ການເສີມສ້າງພື້ນຖານໂຄງລ່າງດ້ານຄົມມະນາຄົມຕື່ມອີກ,ເພີ່ມທະວີການພົວພັນດ້ານຄົມມະນາຄົມພາຍໃນພາກພື້ນແຫ່ງນີ້ເວົ້າສຳລັບການພັດທະນາເສດຖະກິດພາກພື້ນອາຊຽນແລ້ວແມ່ນສຳຄັນທີ່ສຸດ.ການເພີ່ມທະວີການເຊື່ອມຕໍ່ເສັ້ນທາງຂົນສົ່ງ,ບໍ່ພຽງແຕ່ຈະຍົກສູງລະດັບເຊື່ອມໂຍງເຂົ້າກັນແລະກຳລັງແຂ່ງຂັນຂອງປະເທດຕ່າງໆຂອງອາຊຽນເທົ່ານັ້ນ,ຍັງມີຜົນດີຕໍ່ການພັດທະນາຂອງຂົງເຂດອື່ນໆ.
ໃນເວລາກ່າວຄຳປາໄສ,ທ່ານໄລມອນດ໌ລິມຍັງກ່າວວ່າ,ຂົງເຂດຄົມມະນາຄົມຂອງອາຊຽນໄດ້ສ້າງເວທີອັນບັງເກີດຜົນສຳລັບປະເທດຕ່າງໆຂອງອາຊຽນກໍຄືປະເທດຄູ່ເຈລະຈາທີ່ສຳຄັນຂອງອາຊຽນເຊັ່ນຈີນແລະຍີ່ປຸ່ນເພື່ອດຳເນີນການເຈລະຈາ.
ໃນກອງປະຊຸມເຈົ້າໜ້າທີ່ອາວຸໂສທີ່ດຳເນີນເປັນເວລາ3ມື້,ເຈົ້າໜ້າທີ່ກະຊວງຄົມມະນາຄົມຂອງ10ປະເທດອາຊຽນໄດ້ປຶກສາຫາລືຫົວຂໍ້ຕ່າງໆເຊັ່ນຈະພັດທະນາພື້ນຖານໂຄງລ່າງດ້ານຄົມມະນາຄົມ ຂົນສົ່ງຂອງພາກພື້ນຕົນແນວໃດ?ຈະເພີ່ມທະວີການຕິດຕໍ່ພົວພັນດ້ານຄົມມະນາຄົມຂອງພາກພື້ນຕົນແນວໃດເຊິ່ງລວມທັງຈະປະຕິບັດແຜນການກ່ຽວກັບຂົງເຂດການບິນອາຊຽນເຊື່ອມໂຍງເຂົ້າກັນແນວໃດເປັນຕົ້ນ.
|
|
|
