|
ການຮ່ວມມືດ້ານໂທລະຄົມລະຫວ່າງຈີນກັບອາຝຼິກາມີອະນາຄົດດີງາມ
cri
ຕາມຂ່າວສານຊິ່ນຮວາ: ວັນທີ 28 ຕຸລານີ້, ຢູ່ກີກາລີ ນະຄອນຫຼວງລູວັນດາ ທ່ານໂລວຊິນຈຽນ ລັດຖະມົນຕີຊ່ວຍວ່າການກະຊວງອຸດສາຫະກຳຂໍ້ມູນຂ່າວສານຈີນກ່າວວ່າ, ຈີນກັບປະເທດອາຝຼິກາມີອະນາຄົດອັນດີງາມໃນການຮ່ວມມືໃນດ້ານການຊຸກຍູ້ການພັດທະນາໂທລະຄົມໃນຊົນນະບົດ, ແລະອົບຮົມນັກວິຊາການໄຮເທັກເປັນຕົ້ນ.
ທ່ານໂລວຊິນຈຽນ ຊີ້ອອກວ່າ, ໃນຖານະເປັນປະເທດພວມພັດທະນາ, ຈີນໄດ້ເດີນຕາມເສັ້ນທາງພັດທະນາຂອງຕົນ, ຝ່າຍຈີນສາມາດແບ່ງປັນບົດຮຽນແລະບັນຫາທີ່ເຄີຍພົບກັບປະເທດອາຝຼິກາ, ຊ່ອຍເຫຼືອປະເທດອາຝຼິກາເດີນທາງຄົດໜ້ອຍກວ່າບົນເສັ້ນທາງພັດທະນາ, ຝ່າຍຈີນຈະເພີ່ມຄວາມແຮງ, ອົບຮົມນັກວິຊາການດ້ານເຕັກນິກໂທລະຄົມຂໍ້ມູນຂ່າວສານໃຫ້ອາຝຼິກາ.
ມື້ດຽວກັນ, ຢູ່ກີກາລີ, ທ່ານຮາມາດູ ໂທ ເລຂາທິການໃຫຍ່ສະຫະພັນໂທລະຄົມສາກົນກໍ່ກ່າວວ່າ, ວິສາຫະກິດຈີນໄດ້ປະກອບສ່ວນອັນຕັ້ງໜ້າເຂົ້າໃນການພັດທະນາອຸດສາຫະກຳໂທລະຄົມຂອງອາຝຼິກາ.
|
|
