|
|
 |
| (GMT+08:00)
2007-10-31 17:41:13
|
 |
|
EUຢາກໃຫ້ບັນລຸອະນຸສັນຍາກ່ຽວກັບບັນຫາໂລກຮ້ອນກ່ອນປີ2009
cri
ຕາມຂ່າວສານຊິນຮວາ,ກອງປະຊຸມສະພາມົນຕີລັດຖະມົນຕີກະຊວງສິ່ງແວດລ້ອມສະຫະພາບເອີລົບຫຼືEUທີ່ຈັດຂຶ້ນຢູ່ລຸກຊຳບວກ1ວັນໄດ້ອັດລົງແລ້ວໃນຕອນບ່າຍວັນທີ30ຕຸລານີ້.ຫຼັງກອງປະຊຸມ,ລັດຖະມົນຕີທີ່ເຂົ້າຮ່ວມໄດ້ອອກຖະແຫຼງການກ່ຽວກັບບັນຫາໂລກຮ້ອນ,ຫວັງວ່າປະຊາຄົມໂລກຈະສາມາດບັນລຸການເຊັນອະນຸສັນຍາກ່ຽວກັບບັນຫາດັ່ງກ່າວກ່ອນປີ2009.
ຖະແຫຼງການຊີ້ອອກວ່າ,ກ່ອນໜ້ານີ້,EUໄດ້ໃຫ້ຄຳໝັ້ນສັນຍາວ່າ,ຮອດປີ2020,ເຮັດໃຫ້ການລະບາຍອາຍພິດເຮືອນແກ້ວເຊັ່ນກາກບອນດີອົກຊິດຫຼຸດລົງ20%ເມື່ອທຽບກັບປີ1990,ຖ້າວ່າປະເທດທີ່ພັດທະນາແລ້ວອື່ນໆໃຫ້ຄຳໝັ້ນສັນຍາຫຼຸດການລະບາຍອາຍພິດເຮືອນແກ້ວ30%,ສະຫະພາບເອີລົບກໍຈະຍົກເປົ້າໝາຍໃຫ້ສູງຂຶ້ນເຊັ່ນກັນ,EUຈະຍຶດໝັ້ນຄຳໝັ້ນສັນຍານີ້.
ໃນຖະແຫຼງການ,ລັດຖະມົນຕີກະຊວງສິ່ງແວດລ້ອມປະເທດສະມາຊິກຕ່າງໆຂອງສະຫະພາບເອີລົບຍັງໄດ້ວາງເປົ້າໝາຍໃໝ່ອັນໜຶ່ງເພື່ອຮັບມືກັບການປ່ຽນແປງຂອງດິນຟ້າອາກາດ.ປະຊາຄົມໂລກຄວນທຳຄວາມພະຍາຍາມ ເຮັດໃຫ້ອຸນຫະພູມສະເລ່ຍໃນທົ່ວໂລກສູງຂຶ້ນບໍ່ກາຍ2℃ເມື່ອທຽບກັບອຸນຫະພູມສະເລ່ຍກ່ອນຂະບວນການຫັນເປັນອຸດສາຫະກຳ.ພວກທ່ານກ່າວວ່າ,ຈະຈັດເອົາເປົ້າໝາຍດັ່ງກ່າວເຂົ້າໃນຮ່າງສັນຍາທີ່ຝ່າຍຕ່າງໆຫາລືໃນກອງປະຊຸມການປ່ຽນແປງຂອງດິນຟ້າອາກາດສະຫະປະຊາຊາດທີ່ຈັດຂຶ້ນຢູ່ເກາະບາຫຼີ ອິນໂດເນເຊຍໃນເດືອນທັນວາປີນີ້.
|
|
|
