|
ກອງປະຊຸມນາຍົກລັດຖະມົນຕີປະເທດສະມາຊິກອົງການຮ່ວມມືຊຽງໄຮ້ຈັດຂຶ້ນຢູ່ຕັດສະເກັນ
cri
ຕາມຂ່າວ CRI: ຕອນບ່າຍວັນທີ 2 ພະຈິກນີ້, ກອງປະຊຸມສະພາມົນຕີນາຍົກລັດຖະມົນຕີປະເທດສະມາຊິກອົງການຮ່ວມມືຊຽງໄຮ້ໄດ້ຈັດຂຶ້ນຢູ່ຕັດສະເກັນ ນະຄອນຫຼວງອຸດສະເບກກິສຖານ.
ທ່ານເວີ່ນເຈ່ຍປາວ, ນາຍົກລັດຖະມົນຕີຈີນ, ທ່ານວິກໂຕ ຊຸບຄົຟ ນາຍົກລັດຖະມົນຕີຣັດເຊຍ, ທ່ານຄາຣິມ ມາຊິມົຟ ນາຍົກລັດຖະມົນຕີກາຊັກສະຖານ, ທ່ານຊາຟຄັດ ມິວຊິຢາເຢຟ ນາຍົກລັດຖະມົນຕີອຸດສະເບກກິສຖານ, ທ່ານອາຄິວ ອາຄິໂລຟ ນາຍົກລັດຖະມົນຕີຕັດຊີກິສຖານ, ທ່ານອາມັສ ອາທາມບາເຢຟ ນາຍົກລັດຖະມົນຕີກຽກກິສຖານໄດ້ເຂົ້າຮ່ວມກອງປະຊຸມ. ນອກນີ້, ຫົວໜ້າລັດຖະບານຈາກ 4 ປະເທດສັງເກດການ, ຄື: ມົງໂກລີ, ປາກິສະຖານ, ອີຣານແລະອິນເດຍພ້ອມດ້ວຍຜູ້ແທນອັຟການິສະຖານແລະຕວກເມນິສຖານກໍ່ໄດ້ເຂົ້າຮ່ວມກອງປະຊຸມຕາມການເຊີນ.
|
|
