|
ຕາມຂ່າວສານຊິນຮວາ: ວັນທີ 5 ພະຈິກນີ້,ຢູ່ທີ່ນະຄອນຫຼວງວຽງຈັນ,ທ່ານບົວສອນ ບຸບຜາວັນ ນາຍົກລັດຖະມົນຕີສ.ປ.ປ.ລາວກ່າວວ່າ,ສ.ປ.ປ. ລາວຫວັງໃຫ້ເພີ່ມທະວີການແລກປ່ຽນແລະຮ່ວມມືກັນກັບສ.ປ.ປເກົາຫຼີ,ຊຸກຍູ້ການຂະຫຍາຍການພົວພັນຮ່ວມມືມິດຕະພາບອັນມີມູນເຊື້ອລະຫວ່າງສອງປະເທດຕື່ມອີກ.
ມື້ດຽວກັນ,ທ່ານບົວສອນ ບຸບຜາວັນໄດ້ພົບປະເຈລະຈາກັບທ່ານກິມຢົງອິນ ນາຍົກລັດຖະມົນຕີສ.ປ.ປ.ເກົາຫຼີທີ່ໄປຢ້ຽມຢາມ. ໃນການເຈລະຈາ,ທ່ານບົວສອນໄດ້ສະເຫນີສະພາບການພັດທະນາຂອງເສດຖະກິດ ສັງຄົມພາຍໃນປະເທດລາວໃຫ້ແກ່ທ່ານກິມຢົງອິນຊາບ,ໂດຍສະເພາະແມ່ນຫມາກຜົນອັນໃຫຍ່ຫຼວງທີ່ໄດ້ຮັບນັບແຕ່ປະຕິບັດນະໂຍບາຍການປ່ຽນແປງໃຫມ່ແລະໄຂປະຕູສູ່ພາຍນອກເມື່ອປີ 1986 ເປັນຕົ້ນມາ.ສອງຝ່າຍຍັງໄດ້ຫາລືກັນກ່ຽວກັບການພົວພັນຮ່ວມມືມິດຕະ ພາບ ລະຫວ່າງສ.ປ.ປ.ລາວກັບສ.ປ.ປ.ເກົາຫຼີ ໂດຍສະເພາະແມ່ນບັນຫາການຮ່ວມມືລະຫວ່າງສອງຝ່າຍໃນຂົງເຂດການເມືອງ ຄວາມປອດໄພ ເສດຖະກິດ ສັງຄົມແລະຂົງເຂດອື່ນໆ.
ມື້ດຽວກັນ,ທ່ານກິມຢົງອິນຍັງໄດ້ເຂົ້າຢ້ຽມຄຳນັບກັບທ່ານຈູມມະລີ ໄຊຍະສອນເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວທັງເປັນປະທານປະເທດລາວ.ທ່ານຈູມມະລີໄດ້ຕີລາຄາສູງໃຫ້ແກ່ການຂະຫຍາຍການພົວພັນຮ່ວມມືມິດຕະພາບອັນມີມູນເຊື້ອລະຫວ່າງສາທາລະນະລັດປະຊາທິປະໄຕປະຊາຊົນລາວກັບສາທາລະນະລັດປະຊາຊົນປະຊາທິປະໄຕເກົາຫຼີ,ແລະເຫັນວ່າການຢ້ຽມຢາມຂອງທ່ານກິມຢົງອິນເທື່ອນີ້ຈະມີຜົນປະໂຫຍດຕໍ່ການຊຸກຍູ້ການຂະຫຍາຍການພົວພັນຂອງສອງປະເທດ ຕື່ມອີກ
|
