|
|
 |
| (GMT+08:00)
2007-11-06 18:47:43
|
 |
|
ເຈົ້າໜ້າທີ່ຈີນກ່າວວ່າ ໂລກເຊື່ອກາ"ຜະລິດຢູ່ຈີນ"ຢູ່ຄືເກົ່າ
cri
Author: mo
ຕາມຂ່າວສານຊີນຮວາ: ວັນທີ 5 ພະຈິກນີ້, ໃນກອງປະຊຸມຂ່າວທີ່ຈັດຂຶ້ນຢູ່ວໍຊິງຕັນ ທ່ານເວີ້ຍສວນຈົ່ງ ຮອງຫົວໜ້າກົມໃຫຍ່ກວດສອບຄຸນນະພາບແລະກວດກາພະຍາດແຫ່ງຊາດຈີນກ່າວວ່າ, ເຖິງວ່າຢູ່ຕ່າງປະເທດໄດ້ມີເຫດການຈຳນວນໜຶ່ງກ່ຽວພັນເຖິງຄຸນນະພາບຂອງຜະລິດຕະພັນຈີນກໍ່ຕາມ, ແຕ່ຜະລິດຕະພັນສົ່ງອອກຂອງຈີນບໍ່ໄດ້ຖືກກະທົບກະເທືອນຫຍັງຫຼາຍຍ້ອນເລື່ອງເຫຼົ່ານີ້, ໂລກຍັງເຊື່ອກາ"ຜະລິດຢູ່ຈີນ"ຢູ່ຄືເກົ່າ..
ທ່ານເວີ້ຍສວນຈົ່ງກ່າວວ່າ, ແຕ່ເດືອນມັງກອນຫາເດືອນສິງຫາປີນີ້, ສິນຄ້າສົ່ງອອກຂອງຈີນໄເພີ່ມຂຶ້ນ 27,7%, ສັງເກດຈາກຕົວເລກດັ່ງກ່າວເຫັນວ່າ, ການຄ້າກັບຕ່າງປະເທດຂອງຈີນບໍ່ໄດ້ຖືກກະທົບກະເທືອນຫຍັງຫຼາຍ. ວິສາຫະກິດສົ່ງອອກເຄື່ອງຫຼີ້ນຂອງຈີນບາງແຫ່ງສ່ອງແສງວ່າ, ຈຳນວນຈອງຊື້ເຄື່ອງຂອງເຂົາເຈົ້າໃນປີນີ້ບໍ່ພຽງແຕ່ບໍ່ໄດ້ຫຼຸດໜ້ອຍລົງ, ກົງກັນຂ້າມຍັງເພີ່ມຂຶ້ນຊ້ຳ.
ທ່ານເວີ້ຍສວນຈົ່ງແມ່ນໄປຢ້ຽມຢາມອາເມລິກາຕາມຄຳເຊີນຂອງກະຊວງສາທາລະນະສຸກແລະກົມຄຸ້ມຄອງອາຫານແລະຢາຂອງອາເມລິກາ. ໃນໄລຍະຢ້ຽມຢາມອາເມລິກາ, ທ່ານໄດ້ປຶກສາຫາລືຢ່າງເລິກເຊິ່ງກັບຝ່າຍອາເມລິກາກ່ກ່ຽວກັບບັນຫາຄວາມປອດໄພຂອງອາຫານ. ສອງຝ່າຍເຫັນດີຈະເພີ່ມທະວີການແລກປ່ຽນແລະຮ່ວມມືກັນໃນຂົງເຂດທີ່ກ່ຽວຂ້ອງຕື່ມອີກ, ແລະເຊັນບົດບັນທຶກຊ່ອຍຈຳການຮ່ວມມືຄວາມປອດໄພຂອງອາຫານທີ່ກ່ຽວຂ້ອງໂດຍໄວ, ເພື່ອສ້າງກົນໄກຮ່ວມມືທີ່ບັງເກີດຜົນຍາວນານຕາມຫຼັກວິທະຍາສາດຢ່າງໝັ້ນທ່ຽງ.
|
|
|
