|
ຕາມຂ່າວCRI: ວັນທີ 6 ພະຈິກນີ້,ຢູ່ທີ່ເຊີແນວ,ກອງປະຊຸມການຄ້າແລະການພັດທະນາສະຫະປະຊາຊາດຫຼືUNCTADໄດ້ປະກາດບົດລາຍງານຕົວເລກການພັດທະນາການຄ້າໃນທົ່ວໂລກປີ 2006ສະແດງໃຫ້ເຫັນວ່າ,ກຳລັງຕົວຈິງຂອງອົງກອນເສດຖະກິດທີ່ພວມພັດທະນາໄດ້ເພີ່ມຂຶ້ນຕື່ມອີກໃນການຄ້າຂອງທົ່ວໂລກ.
ບົດລາຍງານດັ່ງກ່າວໄດ້ຈັດອັນດັບຂອງຕົວເລກການພັດທະນາການຄ້າຂອງອາເມລິກາ ເຢຍລະມັນ ດານມາກ ອັງກິດແລະສິງກະໂປຢູ່ໃນ 5 ອັນດັບທຳອິດຂອງ ໂລກ.ບົດລາຍງານຂຽນວ່າ,ເຖິງວ່າກຳລັງຕົວຈິງກວມລວມ ຂອງປະເທດທີ່ພັດທະນາຍັງຢູ່ໃນສະພາບທີ່ກ້າວຫນ້າກໍຕາມ,ແຕ່ຕົວເລກ ລວມຂອງອົງກອນເສດຖະກິດທີ່ຈະເລີນໃຫມ່ເຊິ່ງຖືຈີນ ອິນເດຍ ເບຼຊິນ ຣັດເຊຍ ອາຟຼິກາໃຕ້ແລະປະເທດອື່ນໆເປັນຕົວແທນນັ້ນໄດ້ພົ້ນເດັ່ນກວ່າເກົ່າ, ອົງກອນເສດຖະກິດທີ່ພວມພັດທະນາໃນຖານະໂດຍລວມໄດ້ສູງເດັ່ນຂຶ້ນໃນ ການຄ້າຂອງໂລກຢ່າງບໍ່ຢຸດຢັ້ງ,ແລະຖືຕະຫຼາດອັນກວ້າງໃຫຍ່ເປັນກຳລັງຊຸກຍູ້ການພັດທະນາການຄ້າຂອງທົ່ວໂລກໃນອະນາຄົດ.
ຕົວເລກຂອງການພັດທະນາການຄ້າຈີນໄດ້ຈາກອັນດັບທີ 27 ໃນປີກາຍຂຶ້ນມາເປັນອັນດັບທີ 5ໃນປີນີ້, ການຈັດອັນດັບຂອງອົງກອນເສດຖະກິດທີ່ພວມພັດທະນາອື່ນໆກໍໄດ້ສູງຂຶ້ນໃນລະດັບຕ່າງກັນ.
|
