|
|
 |
| (GMT+08:00)
2007-11-07 17:48:09
|
|
ສະພາຄວາມໝັ້ນຄົງກ່າວວ່າ ຈະເພີ່ມທະວີການຮ່ວມມືກັບອົງການພາກພື້ນແລະອະນຸພາກພື້ນ
cri
Author: mo
ຕາມຂ່າວສານຊີນຮວາ: ວັນທີ 6 ພະຈິກນີ້, ສະພາຄວາມໝັ້ນຄົງສະຫະປະຊາຊາດອອກຖະແຫຼງການປະທານວ່າ, ຈະເພີ່ມທະວີການຮ່ວມມືກັບອົງການພາກພື້ນແລະອະນຸພາກພື້ນຕື່ມອີກໃນດ້ານປົກປັກຮັກສາສັນຕິພາບແລະຄວາມໝັ້ນຄົງຂອງໂລກ.
ໃນກອງປະຊຸມສະພາຄວາມໝັ້ນຄົງທີ່ຈັດຂຶ້ນມື້ດຽວກັນ, ທ່ານບານກີມູນ ເລຂາທິການໃຫຍ່ສະຫະປະຊາຊາດກ່າວວ່າ, ເມື່ອທຽບກັບແຕ່ກ່ອນແລ້ວ, ການພົວພັນຄູ່ຮ່ວມມືລະຫວ່າງສະຫະປະຊາຊາດກັບອົງການພາກພື້ນແລະອະນຸພາກພື້ນໃນປັດຈຸບັນແມ່ນໜັກແໜ້ນແລະຄຶກຄັກກວ່າເກົ່າ. ທ່ານເວົ້າວ່າ, ສະຫະປະຊາຊາດຈະເພີ່ມທະວີການຮ່ວມມືຕື່ມອີກກັບອົງການສາກົນເຫຼົ່ານີ້ ຮ່ວມກັນສະແຫວງຫາຊ່ອງທາງດີທີ່ສຸດເພື່ອຮັບມືກັບການທ້າທາຍ.
|
|
|
