|
|
(GMT+08:00)
2007-11-09 15:45:34
|
|
ນາຍົກມາເລເຊຍພົບປະກັບຜູ່ແທນພັກກອມມູນິດຈີນ
cri
ຕາມຂ່າວສານຊິນຮວາ,ວັນທີ8ພະຈິກນີ້,ຢູ່ກົວລາລຳເປີ,ທ່ານອັບດູນລາ ອາ ເມັດ ບາດາວີ ນາຍົກລັດຖະມົນຕີມາເລເຊຍ ປະທານພັກເອກະພາບແຫ່ງຊາດມາເລຫຼືພັກອຳໂນໄດ້ພົບປະກັບທ່ານຈ່າງຊຽນພູ ຜູ່ແທນພັກກອມມູນິດຈີນ,ກຳມະການຄະນະກວດກາສູນກາງພັກກອມມູນິດຈີນ,ກຳມະການປະຈຳຄະນະພັກນະຄອນທຽນສິນ,ເລຂາຄະນະກວດການະຄອນທຽນສິນຂອງຈີນທີ່ໄປເຂົ້າຮ່ວມກອງປະຊຸມຜູ່ແທນພັກອຳໂນປີ2007.
ທ່ານບາດາວີໄດ້ຊົມເຊີຍກອງປະຊຸມໃຫຍ່ຄັ້ງທີ17ຂອງພັກກອມມູນິດຈີນຈັດຂຶ້ນຢ່າງມີຜົນສຳເລັດອັນຈົບງາມ,ທ່ານກ່າວວ່າ,ຈີນແມ່ນເພື່ອນສະໜິດຂອງມາເລເຊຍ.ສອງປະເທດໄດ້ໄປມາຫາສູ່ກັນຢ່າງໃກ້ຊິດທີ່ສຸດໃນດ້ານຕ່າງໆເຊັ່ນການເມືອງ,ເສດຖະກິດແລະວັດທະນະທຳເປັນຕົ້ນ,ທ່ານຍັງອວຍພອນໃຫ້ຈີນຈົ່ງໄດ້ຮັບຜົນສຳເລັດຫຼາຍກວ່າເກົ່າໃນການກໍ່ສ້າງແລະພັດທະນາປະເທດພາຍໃຕ້ການນຳພາຂອງ ຄະນະນຳສູນກາງພັກຊຸດໃໝ່.ລັດຖະບານມາເລເຊຍແລະທ່ານເອງຍິນດີສືບຕໍ່ສົ່ງເສີມການພົວພັນລະຫວ່າງສອງປະເທດໃຫ້ຂະຫຍາຍຕົວກ້າວສູ່ລວງເລິກ.
|
|
|