|
|
 |
| (GMT+08:00)
2007-11-13 08:57:48
|
 |
|
ທ່ານບານກີມູນເຫັນໄປໃນແງ່ດີຕໍ່ຄວາມຄືບໜ້າຂອງສະຖານະການມຽນມາ
cri
ຕາມຂ່າວສານຊິນຮວາ,ວັນທີ12ພະຈິກນີ້,ທ່ານບານກີມູນ ເລຂາທິການໃຫຍ່ສະຫະປະຊາຊາດໄດ້ອອກຖະແຫຼງການ,ສະແດງຄວາມເຫັນໄປໃນແງ່ດີຢ່າງສຸຂຸມຕໍ່ຄວາມຄືບໜ້າຂອງສະພາບການເມືອງໃນມຽນມາ,ແລະຮຽກຮ້ອງອີກເທື່ອໜຶ່ງໃຫ້ຝ່າຍຕ່າງໆທີ່ກ່ຽວຂ້ອງພາຍໃນປະເທດມຽນມາຈົ່ງທຳຄວາມພະຍາຍາມເພື່ອບັນລຸຄວາມປອງດອງຊາດ.
ມື້ດຽວກັນ,ທ່ານບານກີມູນທີ່ພວມຢ້ຽມຢາມຢູ່ອາເມລິກາໃຕ້ໄດ້ຮັບຟັງການລາຍງານສະພາບຫຍໍ້ກ່ຽວກັບທ່ານອີບຼາຮິມ ກຳບາລີ ທູດພິເສດບັນຫາມຽນມາຂອງທ່ານທີ່ຢ້ຽມຢາມໄກ່ເກ່ຍຢູ່ມຽນມາໃນຫວ່າງມໍ່ໆນີ້ໂດຍຜ່ານທາງໂທລະສັບ.ໃນຖະແຫຼງການ,ທ່ານບານກີມູນຊີ້ອອກວ່າ,ການຢ້ຽມຢາມມຽນມາອີກເທື່ອໜຶ່ງຂອງທ່ານກຳບາລີໄດ້ຊຸກຍູ້ໃຫ້ເລີ່ມດຳເນີນຂະບວນການແກ້ໄຂບັນຫາ,ມີຄວາມອາດເປັນໄປໄດ້ຫຼາຍທີ່ສຸດທີ່ຝ່າຍຕ່າງໆດຳເນີນການເຈລະຈາທີ່ເປັນຕົວຈິງຕາມເວລາທີ່ຝ່າຍຕ່າງໆເຫັນດີເຫັນພ້ອມແລະໄດ້ຮັບໝາກຜົນອັນລະອຽດ.
ທ່ານບານກີມູນຫວັງໃຫ້ລັດຖະບານແລະຝ່າຍຕ່າງໆທີ່ກ່ຽວຂ້ອງຂອງມຽນມາພະຍາຍາມຕື່ມອີກເພື່ອບັນລຸຄວາມປອງດອງຊາດ,ການເມືອງທີ່ມີປະຊາທິປະໄຕແລະເຄົາລົບສິດທິມະນຸດຢ່າງຮອບດ້ານ.
|
|
|
