|
|
 |
| (GMT+08:00)
2007-11-13 09:41:24
|
|
ເກີດພະຍາດໄຂ້ຫວັດສັດປີກຢູ່ອັງກິດ
cri
ຕາມຂ່າວCRI,ຕອນບ່າຍວັນທີ12ພະຈິກນີ້,ເຈົ້າໜ້າທີ່ລັດຖະບານອັງກິດໄດ້ປະກາດວ່າ,ນິຄົມກະເສດແຫ່ງໜຶ່ງທີ່ຢູ່ເຂດຕໍ່ແດນລະຫວ່າງແຄວ້ນຊາໂຟກແລະແຄວ້ນໂນໂຟກພາກຕາເວັນອອກຂອງອິງແກຼດ໌ໄດ້ປະກົດມີ ພະຍາດໄຂ້ຫວັດສັດປີກເພີ່ມໃໝ່,ໄກ່ງວງປະມານ5ພັນໂຕຖືກຂ້າ,ບໍລິເວນອ້ອມຮອບເຂດເກີດພະຍາດ3ກິໂລແມັດໄດ້ກຳນົດເປັນເຂດຫ້າມເຄື່ອນຍ້າຍແລະບໍລິເວນອ້ອມເຂດເກີດພະຍາດ10ກິໂລແມັດໄດ້ກຳນົດເປັນເຂດຕິດຕາມເຝົ້າລະວັງ.
ຜົນການກວດກາເບື້ອງຕົ້ນສະແດງໃຫ້ເຫັນວ່າ,ໄກງວງຈຳນວນນີ້ທີ່ກຽມສົ່ງເຂົ້າປ້ອນຕະຫຼາດໃນຍາມບຸນຄຼິສມາດນັ້ນໄດ້ຕິດເຊື້ອພະຍາດໄຂ້ຫວັດສັດປີກH5.ປັດຈຸບັນຍັງຢືນຢັນບໍ່ໄດ້ວ່ານີ້ແມ່ນເຊື້ອພະຍາດປະເພດຮ້າຍແຮງຫຼືບໍ່,ຂະນະນີ້ພວມກວດກາຕື່ມອີກ.
|
|
|
