|
|
 |
| (GMT+08:00)
2007-11-14 15:34:42
|
 |
|
ທູດພິເສດບັນຫາມຽນມາຂອງເລຂາທິການໃຫຍ່ສະຫະປະຊາຊາດຕີລາຄາຜົນການຢ້ຽມຢາມເພື່ອໄກ່ເກ່ຍຢ່າງຕັ້ງໜ້າ
cri
Author: da
ຕາມຂ່າວສານຊິນຮວາ: ວັນທີ13ພະຈິກນີ້ ຢູ່ສຳນັກງານໃຫຍ່ສະຫະປະຊາຊາດທີ່ນິວຢອກ ທ່ານອີບຼາຮິມ ເກັມບາຣີ ທູດພິເສດບັນຫາມຽນມາຂອງເລຂາທິການໃຫຍ່ສະຫະປະຊາຊາດກ່າວວ່າ,ເຖິງວ່າການຢ້ຽມຢາມເພື່ອໄກ່ເກ່ຍຢູ່ມຽນມາຂອງທ່ານໃນຫວ່າງມໍ່ໆນີ້ບໍ່ໄດ້ບັນລຸຄາດໝາຍກໍຕາມ,ແຕ່ກໍ່ໄດ້ຮັບໝາກຜົນອັນຕັ້ງໜ້າຫຼາຍຢ່າງ.
ຕອນບ່າຍມື້ດຽວກັນ ທ່ານເກັມບາຣີໄດ້ແຈ້ງສະພາບການຢ້ຽມຢາມມຽນມາຂອງທ່ານໃນຫວ່າງມໍ່ໆນີ້ຕໍ່ສະພາມົນຕີຄວາມໝັ້ນຄົງ.ທ່ານກ່າວວ່າ,ສະພາບການປະຈຸບັນຂອງມຽນມາໄດ້ດີກວ່າຫຼາຍອາທິດທີ່ຜ່ານມາ,ແລະຄົງຈະດຳເນີນການສົນທະນາກັນຢ່າງຈິງຈັງພາຍໃນເວລາທີ່ທຸກຝ່າຍເຫັນດີນຳແລະໄດ້ຮັບຂໍ້ມູນລະອຽດ. ລັດຖະບານມຽນມາກໍສະແດງທ່າທີຕອບສະໜອງຕໍ່ຄວາມສົນໃຈຂອງປະຊາຄົມໂລກ.
ທ່ານເກັມບາຣີກ່າວເນັ້ນວ່າ,ສະຫະປະຊາຊາດຕ້ອງພະຍາຍາມຮັບປະກັນບໍ່ໃຫ້ການສົນທະນາທີ່ເລີ່ມດຳເນີນມານັ້ນຢຸດສະງັກບົນກາງທາງ,ພ້ອມກັນນັ້ນ ປະຊາຄົມໂລກຄວນຕັ້ງໜ້າພິຈາລະນາຄວາມສົນໃຈຂອງລັດຖະບານມຽນມາ,ແລະຮັບຟັງທັດສະນະຂອງນາງອັອງຊານຊູຈີ ເລຂາທິການໃຫຍ່ສະຫະພັນປະຊາທິປະໄຕມຽນມາແລະທັດສະນະຂອງຝ່າຍທີ່ກ່ຽວຂ້ອງອື່ນໆ.
|
|
|
